MASMUR 51:4 - BIBEL JAMITA NA DENGGAN

⁴ Maradopkon Ho, maradopkon Ho sajo do au mardosa, jana hukarejohon do angka na jahat dietong Ho. Anso tutu Ho tigor di bagasan angka hataMu, jana monang muda manguhumi Ho.

MASMUR 51:4 ပူးပေါင်းရင်းမြစ်များ

PAMUNGKAAN 20:6

Jadi dialusi Debata ma di bagasan nipi, “Tutu do i, Huboto do sian roha na ias do dibaen ho songon i; hara ni i ma umbaen na Husundati ho mardosa maradopkon Au, jana nada Hupadiar ho manjama dadaboru i.

PAMUNGKAAN 38:7

Santak do jahat ni si Er, gabe muruk ma Debata tusia, gabe dibunu Tuhan do ia.

PAMUNGKAAN 39:9

Sarupa do nian kuasongku di bagas on dohot kuasonia. Nanggo adong be na asing na so nipasahatnia tu au asing sian nyonya i sandiri. Bia ma baenonku mambaen parbuatan na songon i jorngangna boti mardosa iba tu Debata?”

PAMUNGKAAN 9:6

Songon Debata do jolma i ditompa, jadi hara ni i sanga ise na mambuat hosa ni jolma, bunuon ni jolma muse ma ia.

2 RAJA-RAJA 17:17

Dipelehon halahi do angka dakdanak ni halahi gabe haul situtungon tu debata. Mamake angka ajimet do halahi jana dipangido halahi angka panogu-noguon sian angka datu na marhadomuan tu angka begu. Sun do ringgas ni halahi mambaen angka pangalaho na nihagigihon ni Tuhan, mambaen muruk situtu Tuhan,

2 RAJA-RAJA 21:6

Dipelehon ia do anaknia ditutung songon haul. Laing dipadalan si Manase on muse do hadatuon na mangaligi nasib, aji dohot na mangido panogu-noguon tu angka begu. Na borat do pardosaonnia maradopkon Tuhan, gabe pasunggul-sunggul muruk ni Tuhan.

MASMUR 50:4

Dipiohon Ia langit dohot tano, laho manyaksihon Ia manguhumi bangsoNia.

MASMUR 50:6

Dipabotohon langit do hatigoranNa, angke Debata sandiri do panguhumNa.

JESAYA 43:25

Au, Au do na manyesa dosamu, Huampuni ho, hara ni Au sandiri. Nada ra Au manyimpan dosamu di bagasan rohangKu, hasalaanmu na salpu nada be paingot-ingotonKu.

HAMALIMON 5:19

I ma haul tobus ni hasalaan hara ni na mardosa halahi tu Tuhan.

LUKAS 15:21

Didok ia tu amangnia i, ‘O amang, madung mardosa au adop Debata bope maradopkon damang. Nada tama be didok au anak ni damang.’

LUKAS 7:29

Sude halak na disi, na umbege na nidok ni Jesus i, dohot ma i angka sitagi pajak, dihaporsayai halahi do hatigoran ni Debata, harana madung dilehen halahi dirina dipandidihon si Johannes.

BAENON NI ANGKA RASUL 17:31

Harana na dung ditontuhon Ia hian do sada hatiha laho manguhumi portibi on sudena mangihutkon hatigoran. Pasahaton ni Debata ma karejo i tu sada halak na dung nipiliNia tusi. Jadi anso pos roha ni halak sudena taringot tusi, madung dipangolu Debata do Ia mangulahi sian hamatean!” ning si Paulus.

SURAT NI SI PAULUS TU PARLAGUTAN ROM 2:5

Tapi hara ni jogal ni rohamu na so ra muba, ditamba ho do rimas tu dirimu sandiri di ari haririmas dohot hapataran ni uhuman ni Debata na tigor i.

SURAT NI SI PAULUS TU PARLAGUTAN ROM 3:4

Dao ma i! Angke anggo Debata sai sintong do tongtong, haru pe pargabus sude jolma. Songon na tarsurat i, “Anso tutu Ho tigor di bagasan angka hataMu, jana monang muda diuhumi Ho.”

JAKOBUS 2:11

Angke Ia do na mandok, “Ulang ho markarosuan,” laing Ia muse do na mandok, “Ulang ho mamunu.” Jadi muda nada markarosuan ho, hape mamunu jolma, laing na mangalanggar Tona i do hamu disi.

JAKOBUS 2:9

Tapi muda mardia imbar do dibaen hamu halak, na mambaen dosa do hamu songon i, jana marhite Tona i, tangkasma bahaso na dung mangalaosi hamu disi.

HALUMBAAN 16:5

Hubege ma surusuruan na mangarajai aek mandok, “Na tigor do Ho, na adong saonnari, jana na adong hian, jana na badia do Ho, na dung mandabuhon uhuman on.

HALUMBAAN 19:11

Dung i huida ma mungkap banua ginjang, haruar ma sada kudo na bontar, jana na juguk di ginjangna i margoar, “Na Setia dohot Na Sintong,” jana markite-hite hatigoran do Ia manguhumi dohot marporang.