MASMUR 51:14 - BIBEL JAMITA NA DENGGAN

¹⁴ Palua ma hosangku, ale Debata Sipalua au, gabe marjop ni roha ma au paboa-boahon hatigoranMu.

MASMUR 51:14 ပူးပေါင်းရင်းမြစ်များ

PAMUNGKAAN 42:22

Didok si Ruben ma, “Na so hudokkon dehe lakna na baru on tu hamu, ulang tabaen na jat tu angginta i? Hape nada ditangihon hamu. Jadi manginona tu hita ma saonnari parmatenia i.”

PAMUNGKAAN 9:6

Songon Debata do jolma i ditompa, jadi hara ni i sanga ise na mambuat hosa ni jolma, bunuon ni jolma muse ma ia.

2 SAMUEL 12:9

Biasi dipasiding ho angka na Huparentahon? Biasi dibaen ho hajahatan i? Disuru bunu ho si Uria di parporangan; dipadiar ho ma ia dibunu halak Amon, lalu dibuat ho dadaborunia i!

2 SAMUEL 21:1

Dompak si Daud mamarenta, masa ma haleon potir tolu taon honokna. Dung i adong ma dijagit si Daud panogu-noguon ni Tuhan taringot tusi, jana didok Tuhan ma, “Anggo haleon i, i ma hara ni hasalaan ni si Saul dohot donganna sabagas, mate diuhumi halahi antong angka halak Gibeon.” (

2 SAMUEL 3:28

Di na tarbege tu si Daud barita i, didok ia ma, “Diboto Tuhan do na so marsala au dohot rayatku di pamunuon maradopkon si Abner i.

ESRA 9:13

Madung mardosa hami maradopkon Ho jana hami langgar uhumMu, jana madung diuhum Ho hami. Tapi hami boto do, ale Debatanami, nada songon borat ni na patut jagitonnami uhuman na nilehenMu, dipalua Ho muse dope hami.

NEHEMIA 9:33

Bonar do pambaenanMu, hami na mardosa diuhumi Ho laing setia do Ho haru pe hami gok tilako.

MASMUR 25:5

Ajari au mangolu hombar tu hagiot ni rohaMu, angke Ho do antong Debatangku; Ho do na palua au, sai tu Ho do mararop ni roha au.

MASMUR 26:9

Ulang bunu au rap dohot pardosa, ulang buat ngolungku rap dohot siduruskon mudar.

MASMUR 35:28

Jadi paboa-boaonku ma hatigoranMu, jana pujionku ma Ho sian ari tu ari.

MASMUR 38:22

Ompoti ma mangurupi au, ale Tuhan, Sipalua au.

MASMUR 55:23

Tapi anggo Ho ale Debata, sampakkononMu ma halahi tu bagasan lubang na umbagas. Angka panghianat dohot na manduruskon mudar, nada lalu bolusonna satonga ni umurna. Hape anggo au, tu Ho do au porsaya.

MASMUR 68:20

Debata na paluahon do anggo Debatanta Debata, Tuhanku mangalehen haluaan sian hamatean.

MASMUR 88:1

Ale Tuhan Debata sipalua au, sasadari pio-pio do au tu Ho; jana bornginna i ro do au tu adopanMi.

JESAYA 12:2

Debata do da haluaanku, porsaya tuSia do au. Nada adong na mambaen au mabiar, angke Tuhan Debata do hagogoanku dohot ende-endengku, Debata do na paluahon au, Ia do haluaanku.

JESAYA 45:17

Hape anggo Israel paluaon ni Tuhan, jana malua ma halahi salolotna. Rayatna i nada palayason salolot-lolotna dohot satorusna.’ ”

JEHESKIEL 33:8

Muda Hupabotohon tu ho, na giot mate sada halak parjahat, hape nada dipaingot ho ia anso dipauba ia pangalahonia i anso malua ia nian, jadi mate ma ia songon sada halak pardosa. Tapi tuntutonKu do tu ho tanggung jawab salaho tu hamamatenia.

DANIEL 9:16

Madung dianju Ho hami narobi, hara ni i ulang be muruk Ho maradopkon Jerusalem, kotaMi sandiri, dolokMu na badia i. Angke sude do halak na adong di angka kota na humaliang hami marlayas ni roha maradopkon Jerusalem dohot tu bangsoMu hara ni dosanami dohot hajahatan ni ompunami.

DANIEL 9:7

Ale Tuhan, sai tongtong denggan jana tigor do pambaenanMu, tapi anggo hami sai tongtong do mambaen tilako tu dirinami, i ma hami sude na maringanan di Juda dohot di Jerusalem maradu sude dongannami sabangso na nipaserakMu tu angka luat na dao dohot na donok hara ni na so unduk halahi tu Ho.

HOSEA 4:2

Dibaen halahi janji hape nada digohi halahi; margabus, mamunu, manangko, manggampang do halahi. Martamba do hajahatan jana mardapot-dapot pamunuon.

HABAKUK 3:18

Sai tongtong noma au marjop ni roha di bagasan Tuhan, jana maria-ria di bagasan Debata Sipalua au.

BAENON NI ANGKA RASUL 18:6

Tapi hara ni na sai torus dialo angka jolma i boti sai mangincahi halahi, gabe dipaspaskon si Paulus ma abuan na di pakeannia i adop halahi, gabe songon tanda laho paingotkon hasalaan ni halahi sandiri. Didok ia ma, “Muda gabe mago hamu, salamunu sandiri noma i! Nada ahana be i di au! Olat ni on, tu bangso na so Jahudi noma au kehe.”

BAENON NI ANGKA RASUL 20:26

Jadi hara ni i, torang ma hudok tu hamu sadari on, muda laing adong sian hamu na mago sanoli on, nada au be na sala disi.

SURAT NI SI PAULUS TU PARLAGUTAN ROM 10:3

Dibaen hara ni na so ditanda halahi do hatigoran ni Debata jana hara ni na nipajongjong halahi hatigoran di dirina sandiri, jadi nada unduk halahi di hatigoran ni Debata.