MASMUR 51:13 - BIBEL JAMITA NA DENGGAN

¹³ Jadi ajarkononku ma parentaMu tu halak pardosa, anso mulak tu Ho sanga ise na mangalaosi aturanMu.

MASMUR 51:13 ပူးပေါင်းရင်းမြစ်များ

2 RAJA-RAJA 17:18

jana nada dipardulihon be halahi, tapi diambungkon noma halahi sian tano na nilehen ni Tuhan tu halahi. Hum harajaan Juda noma na tinggal.

2 RAJA-RAJA 17:20

Nada giot Tuhan be sude halak Israel. Diuhum Ia noma halahi jana dipasahat Ia tu angka musu ni halahi ma jungkat, jabat nada diparrohahon be halahi, tapi dibuang noma halahi sian tano na nilehenNia di halahi.

2 RAJA-RAJA 17:23

Lopus di ujungna nada diparrohahon Tuhan be halahi, tapi diambungkon noma halahi sian tano na nilehenNa di halahi. Tulus do i tarjadi laing songon na nipaingotkon ni Tuhan markite-hite angka naposoNia i, i ma angka panurirang. Songon i ma halak Israel dioban tu habuangan di Asur jana disi ma halahi tinggal lalu tu sadari on.

MASMUR 19:7

Sanggam do Tona Ni Tuhan, pasonang rohaniba. Haposan do parenta ni Tuhan, mambaen marbisuk halak na lidang.

MASMUR 22:27

Ingoton ni sude bangso ma Tuhan, sian desa na walu halahi marroan, sude horong ni bangso mulak ma tuSia, lalu marsomba tuSia.

MASMUR 25:4

Patidahon ma tu au hagiot ni rohaMu ale Tuhan, patangkas ma sanga aha sipatupaonku.

MASMUR 25:8

Angke na denggan do Tuhan jana tigor do haputusanNia, dipatidahon Ia do dalan tu halak pardosa.

MASMUR 32:5

Jadi gabe huoku dosangku tu Ho, nada adong hubunihon hasalaanku tu Ho. Diputuskon rohangku do mangoku i tu Ho, gabe diampuni Ho sude dosangku tu Ho.

JESAYA 2:3

Dokkonon ni halahi sude ma disi, “Manangkok ma da hita tu dolok ni Tuhan! i ma tu Bagas Ni Debata ni Jakob! AjarkononNia noma tu hita sanga aha na patut baenonta. Ihutkononta noma dalan na nitodoNia, harana sian Jerusalem muse do da asal ni poda ni Tuhan, sian Sion do Tuhan mandok hataNa tu bangsoNia.”

JESAYA 6:10

Pamajal ma pikiran ni angka jolma i, paingol pinggolna i jana papitung matana i, anso ulang marnida sanga marbinege sanga mangarti jana anso ulang ro tu Au jana malum.”

JEREMIA 31:18

Hubege do halak Israel mangkuling di bagasan arsak godang, ‘Ale Tuhan, tudos do hami tu lombu riar na so dipajinak hape diajar Ho do hami anso patu, saonnari madung rade hami mulak tu adopanMu. Antong, oban ma hami mangulahi, ale Tuhan, Debatanami.

MATEUS 18:3

Sasintongna do na Hudok on tu hamu, “Muda so muba rohamunu jana mulak songon dakdanak on, nada tarbaen hamu masuk tu Harajaan Ni Banua Ginjang.

LUKAS 22:32

Tapi madung martangiang Au hara ni ho Simon, anso ulang hambar haporsayaanmi. Jana muda dung mulak ho mangulahi tu Au, angkon patoguonmu do angka kahanggimu.”

BAENON NI ANGKA RASUL 13:10

didok ia ma, “O anak ni Sibolis! Ho ma musu ni sude na denggan. Biasi dope laing so ra mantak ho manyego-nyego Dalan Ni Tuhan na tigor i?

BAENON NI ANGKA RASUL 15:3

Dipataru parlagutan na di Antiokia i ma halahi lalu tu balian ni kota i, halahi pe torus ma mardalan mamolus sian Punisia lalu tu Samaria. Dipaboa halahi ma disi sanga tarbia pangalahona angka bangso na asing na so Jahudi na gabe dohot pasahat dirina tu Debata. Moga sajo do roha ni angka halak na porsaya i disi umbege barita i.

BAENON NI ANGKA RASUL 3:19

Hara ni i, pauba hamunu ma rohamunu sian angka dosamunu jana mulak ma hamu tu Debata, anso disesa Ia sude angka dosamunu i.