MASMUR 51:12 - BIBEL JAMITA NA DENGGAN

¹² Baen ma au marjop ni roha mangulahi hara ni haluaan na sian Ho, padiar ma anso sian jop ni rohangku burju au mangoloi Ho.

MASMUR 51:12 ပူးပေါင်းရင်းမြစ်များ

MASMUR 119:133

Patogu ma langkangku hombar tu baga-bagaMu, ulang padiar dirajai hajahatan au.

MASMUR 13:5

Tapi anggo au mararop ni roha do tu ibo ni rohaMu, marmoga-moga ma rohangku, angke Ho palua au.

MASMUR 17:5

Sai marguru tu hagiotMu do ngolungki jana nada manyimbil sian i.

MASMUR 19:13

Padao ma au sian dosa na nisangajo, ulang padiar au dikuasoi. Jadi gabe jolma na sun denggan ma iba, jana malua sian hajahatan ni dosa.

MASMUR 21:1

O Tuhan, hara ni kuasoMu, marjop ni roha ma raja, marolop-olop ia, dibaen dilehen Ho hamonangan disia!

MASMUR 24:4

Halak na ias di roha dohot pambaenan, na so marsumpa na pargabus sanga na manyomba gana-ganaan.

MASMUR 35:9

Jadi marsurak-surak ma au hara ni Tuhan, jop ma rohangku dibaen dipalua Ia au.

JESAYA 41:10

Ulang ho mabiar Au do rap dohot ho, Au do Debatamu, ulang heput ho. Hupatogu do ho, Hulehen pangurupion, Huondihon jana Hupalua ho.

JESAYA 49:13

Marende ma ho, o langit, marsurak ma ho ale portibi, marsurak angka dolok marendei. Ro Tuhan mangapoi bangsoNia i, dihaholongi Ia bangsoNia angka na susa.

JESAYA 61:10

“Jop ma rohangku hara ni Tuhan, hara ni Debata, tondingku marhamogaan. Songon pangoli di ari parbagasonna mamake pakean na sumurung jegesna, madung dipapakehon Tuhan tu au baju haluaan dohot hamonanganku.

JEREMIA 10:23

Huboto do ale Tuhan, sahalak pe nada margogo manontuhon dalanna sanga mangatur pardalan ni ngoluna.

LUKAS 1:47

marmoga-moga rohangku hara ni Debata Sipatorkiskonku.

SURAT NI SI PAULUS TU PARLAGUTAN ROM 14:4

Tarbia ma he hajolmaonmu umbaen na jabat diuhumi ho naposo ni halak na asing? Sanga na tungkap naposo i sanga na jongjong, inda he urusan ni tuannia i do i? Jana denggan do ia jongjong angke marguru di Tuhan do mambaen ia jongjong.

SURAT NI SI PAULUS TU PARLAGUTAN ROM 8:15

Harana anggo Tondi na nijagitmunu i ale angka dongan, nada dibaen i hamu gabe hatoban, anso gabe mangulahi mabiar hamu. Sabalikna do, gabe angka dakdanak ni Debata do hamu dibaen. Jana hara ni pangonjar ni kuaso ni Tondi i, pio-pio ma hita tu Debata mandok, “Abba, ale Amang!”

2 KORINTUS 3:17

Harana Tuhan i do Tondi i. Jadi barang di dia pe Tondi Ni Tuhan i, disi do adong haluaan.

1 PETRUS 1:5

Di hamu do i sudena, hara ni na dung porsaya hamu tu Debata. Gabe dijago kuaso ni Debata ma hamu anso dohot hamu manjagit haluaan na dung singkop giot pabotohonon di hatiha parpudi.

JUDAS 1:24

Debata do na margogo manjagohon hamu, anso ulang tinggang, jana na pajongjongkon hamu di adopan ni hasangapanNia di bagasan jop ni roha, jana nada martihas.