MASMUR 51:1 - BIBEL JAMITA NA DENGGAN

¹ Ibo ma jolo rohaMu mida au, ale Debata mangihutkon denggan ni rohaMu dohot holong ni rohaMu. Sesa ma pangalaosingku mangihutkon ibo ni rohaMu.

MASMUR 51:1 ပူးပေါင်းရင်းမြစ်များ

2 SAMUEL 11:2

Sanoli andospotang, dung ngot si Daud sian na modom, kehe ma ia tu tarup ni bagas godang na hornop i. Diida ia ma sian i sada anakboru na topet maridi, jana sun jeges ni anakboru i.

NEHEMIA 4:5

Ulang ampuni hajahatan ni halahi jana ulang halupahon dosa ni halahi, dibaen madung dipabile halahi hami na mambangun on.”

MASMUR 106:45

Hara ni halahi diingot Ho parjanjianMu, jana diuba Ho haputusanMu, hara ni godang ni holong ni rohaMu.

MASMUR 106:7

Nada diastui ompunami di Mesir; hahomangan na nikarejohonMu nada diboto halahi. Lupa do halahi di holong ni rohaMu na godang i; di lambung ni Laut Rara dialo halahi do Na Gumincat i.

MASMUR 109:21

Tapi hombar tu janjiMu, urupi ma au, ale Debata, Tuhanku palua ma au hara ni hadengganan dohot holong ni rohaMu.

MASMUR 119:124

Baen ma tu au marguru tu godang ni holong ni rohaMu, jana ajarkon ma tu au hatontuan na nibaenMu.

MASMUR 145:9

Burju do Ho tu ganop jolma, jana dihaholongi Ho do sude na nitompaMu.

MASMUR 4:1

Ale Debata, Ho do mangampini au, alusi ma muda pio-pio au. Muda susa au, diurupi Ho do au; saonnari ibo rohaMu di au jana tangihon ma tangiangku.

MASMUR 40:11

Tuhan, huboto do na so ra mantak Ho manghaholongi au; holong dohot hadengganan ni rohaMu sai i do na giot mangondihon au.

MASMUR 5:7

Tapi hara ni holong ni rohaMu, tola do au masuk tu BagasMu, manungkap adop ingananMu, lalu marsomba tu Ho mardongan roha na marsitutu.

MASMUR 51:9

Padao ma panailiMu sian dosangku, sesa ma sude hasalaanku.

MASMUR 69:13

Tapi tu Ho ma au martangiang, ale Tuhan, ale Debata, alusi ma i di hatiha na tumbuk tu hagiot ni rohaMu, angke na marlobian do holong ni rohaMu na manongtong i; urupi ma au hara ni denggan ni rohaMi.

MASMUR 69:16

Alusi ma au, ale Tuhan, angke na burju do Ho jana parholong roha. Sai ra ma Ho mangadopkon au angke na godang do ibo ni rohaMu.

MASMUR 77:9

Na dung lupa dehe Debata laho mangkaholongi hami? Adong he na muruk Ia, gabe nada marholong ni roha be?”

JESAYA 43:25

Au, Au do na manyesa dosamu, Huampuni ho, hara ni Au sandiri. Nada ra Au manyimpan dosamu di bagasan rohangKu, hasalaanmu na salpu nada be paingot-ingotonKu.

JESAYA 44:22

Huayak dosami songon alogo, salamu Hupaorot songon ombun na dihabangkon ni alogo. Hara ni i mulak ma ho tu Au, angke Au do Sipaluamu.”

JESAYA 63:15

Ale Tuhan, tatap ma hami sian banua ginjang, sian ingananMu na badia jana marmulia. Di dia do pangiburuMu dohot hagogoonMu? Di dia do holong dohot ibo ni rohaMu? Di dia do diparrohahon Ho hami? Ulang ma nian manghohom Ho tu hami.

JESAYA 63:7

Giot paboaonKu do, holong ni roha ni Tuhan na so marhaujungan. Hupuji Ia hara ni sude pambaenanNia, pasupasuNia marlobian di hita bangsoNia. Angke gok ibo ni roha do Ia jana holong ni rohaNia nada marhasidungan.

JEREMIA 18:23

Tapi diboto Ho do ale Tuhan sasude na nitahi ni roha ni halahi laho mamatehon au. Hara ni i, ulang be ampuni halahi; ulang sesa hasalaan ni halahi. Potuk ma halahi lopus dabu. Maralo ma Ho tu halahi di bagasan muruk ni rohaMu.”

ANDUNG 3:32

Haru pe dibaen Ia hita susa, tapi nauli basa do anggo Tuhan, hot do holong ni rohaNia marlobi-lobian.

DANIEL 9:18

Tangihon ma hami ale Debata, tatap ma hami jana parrohahon ma hasusaannami, songon i dohot parhancitan ni kota na nigoaran mangihutkon goarMu. Nada hara ni pambaenannami na denggan umbaen na martangiang hami tu Ho, tapi hara ni na paribo roha do Ho.

DANIEL 9:9

Gok di Ho hasesaan ni dosa dohot asi ni roha haru pe madung mangalo hami tu Ho.

BAENON NI ANGKA RASUL 3:19

Hara ni i, pauba hamunu ma rohamunu sian angka dosamunu jana mulak ma hamu tu Debata, anso disesa Ia sude angka dosamunu i.

KOLOSSE 2:14

jana disoadahon Ia sude surat utang maradopkon hita, i ma na mangancam hita dohot angka sarat na borat. Di na niparsilangkon surat i di hayu parsilang i, disesa Debata ma sudena utang na tu hita i.