MASMUR 50:3 - BIBEL JAMITA NA DENGGAN

³ Na ro ma Debatanta, nada be so sajo Ia, dijoloani api na marjilam-jilam do Ia, jana dihaliangi habahaba na gogo.

MASMUR 50:3 ပူးပေါင်းရင်းမြစ်များ

MASMUR 48:14

Paboa Ia do Debata, Debatanta sapanjangna, uluhononNia ma hita salolot-lolotna.

MASMUR 50:21

Dibaen ho ma i sudena, tapi laing Hupahohom do, diambang ho do lakna sarupa bakonta. Tapi anggo saonnari uhumonKu ma ho jana parkarohononKu ma i.

MASMUR 68:20

Debata na paluahon do anggo Debatanta Debata, Tuhanku mangalehen haluaan sian hamatean.

MASMUR 83:1

Ale Debata, ulang ma mangkohom Ho, ulang marlompit tangan Ho jana sai so.

MASMUR 96:13

Dibaen ro do Tuhan mangarajai tano on, marhite hatigoran diuhumi Ia angka bangso.

HARURUAR 19:18

Ditutupi timus ma sudena Dolok Sinai i, angke madung mijur Tuhan tu ginjangna i songon api tompana. Martimbual ma timus idaon songon timus sian tataring, jana humutur ma dolok i gogo sajo.

JESAYA 35:4

Dok ma tu halak na enek roha, “Ulang ho mabiar, papir ma rohamu. Ro do Debata, paluaonNa ma ho, jana tu angka musumu dabuonNa uhum.”

JEHESKIEL 1:4

Hupadorgak ma jana huida halingsungsung na mangombus sian Utara. Ruar ma hilap na sumiksak sian sangkimpal ombun nalobi godang, jana gabe torang sajo ma langit na humaliang i dibaensa. Di bagasan hilap na mamincar-mincar i tarida ma na marsinondang songon tumbaga.

DANIEL 7:10

Ruar ma sada batang aek api, jana mamolus sian adopanNia; saribu noli marribu-ribu angka na mangoloi Ia, jana bahat sajo do jolma jongjong di joloNia. Dung i juguk ma angka Panguhum jana diungkap ma Angka Buku.

HAMALIMON 10:2

Tuhan i sandiri do parohon api na manutung halahi lalu mate disi, di Bandar Parmianan Ni Tuhan.

HABAKUK 3:5

Disuru Ho do nyae mardalan di joloMu jana ihut ma hamatean di pudiMu.

MALEAKI 4:1

Didok Tuhan Na Markuaso i ma, “Dapot do i arina, sude halak siginjang roha dohot na jahat surbuon ma i songon durame. Di ari i, abis ma halahi surbuon, jana nada adong be na tinggal sian halahi.

BILANGAN 16:35

Diparo Tuhan i muse ma api na marjembur laho manutung na 250 halak na manutung hamonyan i.

MATEUS 3:12

DitanganNia do anduri laho mamiari. PiaranNia ma emena i tu talobat, tapi anggo lapung tutungonNia ma tu api na so ra mintop.”

PANGARATAION 9:3

Tapi anggo saonnari idaonmunu sandiri ma sanga na bia Tuhan Debatamunu mardalan di jolomunu songon api na manyurbu. TaluhononNia ma halahi di jolo ni matamunu, gabe tarpaorot jana tarpusa hamu tibu halahi, songon na dung dijanjihon Tuhan.

IBRANI 12:29

Angke songon api na mangabiskon do tutu anggo Debatanta i.

IBRANI 2:3

songon dia ma he tarbaen hita malua, anggo so taparrohahon do haluaan na songon i godangna? Tuhan i do na mangkatahonna di mulana i, jana na nioban dohot dipatontu tu hita markite-hite angka na umbegena.

HALUMBAAN 22:20

Didok na manyaksihon sudena on do, “Olo, tibu ma Au ro!” Amen! Ro ma Ho, ale Tuhan Jesus!