MASMUR 50:14 - BIBEL JAMITA NA DENGGAN

¹⁴ Haul haluaan ma haulkon tu Au, Debata Na Gumincat patulus ma janjimu tu Au.

MASMUR 50:14 ပူးပေါင်းရင်းမြစ်များ

JOB 22:27

Muda martangiang ho, alusanNia ma i, jana patulus ma antong janjimu sudena i.

MASMUR 147:1

Dengganna i antong marende di Debatanta, sonang ma da mamuji-muji Ia.

MASMUR 22:25

Pujionku ma Tuhan di tonga ni punguan ni bangso i, hara ni sude angka na dung dibaen Ia. Di adopan ni umat i na manghabiari Tuhan, huhaulkon haul na hujanjihon.

MASMUR 22:26

Marmanganan ma halak na pogos lopus butongan, halak na manjalahi Tuhan, pujionna ma Ia. Sai anggiat ma halahi tongtong sonang ro di salolot-lolotna.

MASMUR 27:6

Jadi saonnari madung godang au di angka musu na humaliang au. Mardongan sora na gogo marmoga-moga huhaulkon ma haul mandok tarimakasi di bagasMu; marende ma au tu Tuhan lalu mamujiSa.

MASMUR 50:23

Sanga ise na mandok tarimakasi baen haulna, i do na pasangapkon Au. Tu halak na tigor ngoluna, patuduhononKu ma haluaan na sian Au.

MASMUR 56:12

Patulusonku ma janjingku tu Ho, ale Debata haulkononku tu Ho haul hatarimakasion.

MASMUR 61:8

Jadi anggo au, endehononku ma pujian di Ho, lalu hupatulus janjingku sian ari tu ari.

MASMUR 65:1

Patut ma da antong pujionnami Ho di Sion ale Debata laho manggohi janji na hami baen mardongan sumpa.

MASMUR 69:32

Marjop ni roha ma na dangol, marnidasa margodang ni roha ma halak na manyomba Debata.

MASMUR 76:11

Gohi ma janjimu tu Tuhan Debatamu. Denggan ma i sude bangso na maringanan di na donok maroban silua di Debata sihabiaran i.

MASMUR 76:12

Ditipulkon Ia do hagiot ni angka parkuaso, mabiar do angka raja maradopkon Ia.

HOSEA 14:2

Mulak ma hamu tu Tuhan Debatamunu, ale bangso Israel! Dosamunu do mambaen hamu tarsilandit lalu tinggang.

NAHUM 1:15

Ligi da, ro do sada suruan mamolus sian angka dolok, maroban jamita na denggan, barita hamonangan. Ale bangso Juda, pestahon ma ari pestamu jana haulkon ma haulmu tu Debata. Nada rajaan ni parjahat be tanomu. Ma pola sude halahi diabiskon.

NAHUM 2:1

Ale Ninive, madung ro panyaroso, giot manyegohon ho! Jago ma angka benteng partahananmi! Denggan ma jago hamu angka dalan! Markobas ma hamu giot mangalo. (

SURAT NI SI PAULUS TU PARLAGUTAN ROM 12:1

Hara ni i ale angka dongan, hupaingot ma hamu markite-hite ibo ni roha ni Debata, anso dipasahat hamu dirimunu gabe haul na mangolu, na badia jana na tumbuk di roha ni Debata, i ma na gabe hangoluanmunu na sapatutna.

PANGARATAION 23:21

Muda dijanjihon hamu sanga na aha tu Tuhan Debatamunu, ulang ma palambat-lambat laho patuluskon sanga aha na nijanjihonmi, angke torus do i ditunggu Tuhan, jana mardosa do hamu muda nada digohi hamunu i.

PANGARATAION 23:22

Nada mardosa hamu muda nada mambaen janji hamu tu Tuhan,

PANGARATAION 23:23

tapi muda sian na nionjar ni rohamunu do hamu mambaen janji, angkon patulusonmunu do i.

PANGARATAION 23:24

Muda mardalan hamu mamolus di kobun anggur ni halak, tola do papangananmunu batu ni anggurna i sanga sadia giotmunu, tapi nada tola palagutkon tu hadanganmunu.

1 TESSALONIKA 5:18

Di sude pangalaho na masa, tongtong ma hamu mandok tarimakasi, angke na songon i do dipangido roha ni Debata sian hamu songon angka na mangolu marsada dohot Jesus Kristus.

IBRANI 13:15

Hara ni i, sai tapuji-puji ma Debata markite-hite Jesus; i ma haul haluaan tuSia, na tahaulkon sian pandohan na tapajojor dohot pamanganta laho pasangapkon goarNia.

1 PETRUS 2:5

Songon angka batu na mangolu do hamu. Antong ra ma hamu dipake laho pajongjong bagas ni Debata di pangalaho partondion. Jadi gabe angka malim na badia ma hamu jana na mangalehen haul tu Debata markite-hite Jesus Kristus, i ma haul partondion jana na tumbuk di roha ni Debata.

1 PETRUS 2:9

Tapi anggo hamu, bangso na Hupili do hamu, angka harajaan hamalimon, bangso na badia, bangso hapunjungan ni Debata. Ia do na mamiohon hamu haruar sian hagolapan anso masuk tu bagasan sinondangNia na tumorang i, anso pararatonmunu barita taringot tu angka pambaenanNia na godang i.