MASMUR 50:1 - BIBEL JAMITA NA DENGGAN

¹ Mangkuling ma Tuhan, Debata Na Markuaso i; pio-pio ma Ia tu sude portibion sian Habincaran lopus tu Hasundutan.

MASMUR 50:1 ပူးပေါင်းရင်းမြစ်များ

PAMUNGKAAN 17:1

Di na marumur si Abram sambilan pulu sambilan taon, dipatidahon Tuhan ma diriNa tusia jana didok ma, “Au do Debata Na Gumogo. Oloi ma Au jana patulus tongtong sanga aha hagiotKu.

1 RAJA-RAJA 18:21

jadi didonohi si Elia ma rayat i jana didok ia ma, “Intap ni andigan ma sai torus hamu mardua roha? Muda Tuhan do Debata, somba hamu ma Tuhan; muda Baal i do Debata, Baal ma somba!” Mangkohom ma rayat na disi i.

1 JUJUR TAON 15:17

Sian angka keluarga ni parende, dipili halahi ma angka na malo mamake simbal na sian loyang, i ma si Heman anak ni si Joel rap dohot kahanggina na margoar si Asap anak ni si Berekia dohot si Etan anak ni si Kusaya na sian horong ni si Merari. Jana laho mangudurkon halahi boti mamalu hasapi parsora na tinggil dipili halahi ma halak Levi, i ma si Zakaria, si Jaasiel, si Semiramot, si Jehiel, si Uni, si Eliab, si Maaseya dohot si Benaya. Sipalu hasapi sigordong sora, dipili halahi ma sian Marga Levi i ma si Matica, si Elifele, si Mikneya, si Asasia dohot dua halak panjago ni Bagas Ni Debata, i ma si Obed-Edom dohot si Jeiel.

1 JUJUR TAON 16:37

Dung i ditugaskon Raja Daud ma si Asap dohot deba nari halak Levi anso torus diurus halahi angka na porlu, domu tu karejo ibadat, di bandar inganan panyimpanan ni Poti Parjanjian ni Tuhan. Angkon markarejo halahi disi ganop ari,

1 JUJUR TAON 25:2

Anak ni si Asap na opat i: Si Zakur, si Josep, si Netania dohot si Asarela. Si Asap ma kapala ni halahi, na nitugaskon ni raja pabolkaskon tona na sian Debata.

1 JUJUR TAON 25:6

Sudena anak ni si Heman i parmusik simbal do, parhasapi dohot pargambus, na nipimpin ni amang ni halahi laho mangihutkon upacara ni ibadat di Bagas Ni Debata. Dijagit si Asap, si Jedutun dohot si Heman do sian raja mardomu tu karejo nasida.

1 JUJUR TAON 6:24

Tahat, Uriel, Usia, Saul.

2 JUJUR TAON 29:30

Disuru raja dohot angka hatobangon ni rayat i ma endehonon ni angka halak Levi i puji-pujian tu Tuhan na nikarang ni si Daud dohot Panurirang Asap. Marjop ni roha situtu ma sude jolma i na marende i lalu marsinggang manyomba Debata.

NEHEMIA 9:32

O Debata, Debatanami na gogo! Debata na godang jana na jorbut! Sai na setia do Ho maniop sumpa dohot janji, digohi Ho do sandok janjiMu jana dipatulus Ho do i. Mamungka sian na nipisat ni raja Asur hami, lopus saonnari, ma bahat pardangolan hami alami. Angka raja, malim, panurirang maradu hatobangonnaMi, bope ompu dohot rayat madung sude manaonkon i. Ulang halupahon sude na hancit i! Ulang nian agohon i sian parningotanMi!

NEHEMIA 9:6

Dung i martangiang ma rayat ni Israel songon on, “Ho do antong Tuhan, ho do na sun sasada: Dijadihon Ho do bintang dohot sude angkasa. Songon laut dohot tano maradu sude isina. Lalu dilehen Ho ngoluna jana manyarihonsa. Sude kuaso na di langit marsomba sujud. Tunduk halahi tu Ho jana mangunduk.

MASMUR 113:3

Angkon pujion do goar ni Tuhan, mamungka sian Habincaran lopus tu Hasundutan.

MASMUR 73:1

Satutuna burju do Debata mida na bulus roha, mida halahi na ias rohana.

MASMUR 74:1

Ale Debata, salolot-lolotna dehe tadingkononMu hami? Biasi torus muruk Ho tu bangsoMu sandiri?

MASMUR 75:1

Mandok tarimakasi do hami tu Ho, ale Debata! Mandok tarimakasi do hami. Hami pio do goarMi, hami paboa do pambaenanMu na godang i.

MASMUR 76:1

Tarbonggal do Debata di Juda di Israel tarbarita do goarNia.

MASMUR 77:1

Gogo do sorangku pio-pio tu Debata, hupagogo sorangku pio-pio, jana ditangihon Ia do au.

MASMUR 78:1

Tangihon ma pangajaranku, o hamu bangsongku, parrohahon ma angka hatangku.

MASMUR 79:1

Bangso na so mananda Ho, ale Debata, madung mambuat tano teananMu. Dipahodar halahi BagasMu, gabe maronco-ronco dibaen Jerusalem.

MASMUR 80:1

Ale Parmahan ni Israel, tangihon ma hami, Ho do pamimpin ni bangsoMu, sai parrohahon hami. Ho na marhabangsa di ginjang ni kerub, ro ma Ho mardongan sahala na godang.

MASMUR 81:1

Marsurak ma hita marolop-olop di Debata, hagogoanta, di Debata ni si Jakob, marsurak ma hita marjop ni roha.

MASMUR 82:1

Diuluhon Debata do rapot hadebataon di banua ginjang, lalu dilehen Ia haputusanNia:

MASMUR 83:1

Ale Debata, ulang ma mangkohom Ho, ulang marlompit tangan Ho jana sai so.

JESAYA 1:2

Didok Tuhan ma, “O, langit dohot tano tangihon ma na Hudok! Angka dakdanak na Hupature-ture mangalo do tu Au.

JESAYA 37:20

Ale Tuhan Debata, palua ma hami sian angka halak Asur i, anso diboto sandok bangso na di tano on bahaso sasada Ho do Tuhan.”

JESAYA 54:5

Harana na gabe halaklahimu i ma Ia Na Manompa ho, Tuhan Na Markuaso do goarNia; na gabe Sipaluamu i ma Na Sun Badia, Debata ni Israel, nigoaran do Ia, Debata ni sandok portibi.

JESAYA 9:6

Madung sorang di hita sada dakdanak; dibasa-basahon di hita sada anak. Ia ma na gabe pamimpinta. Digoari do Ia: “Panuturi Na Marroha”, “Debata Parkuaso”, “Ama Salolot ni lolotna”, “Raja Ni Hadameon”.

JEREMIA 10:6

Nada adong tudosanMu, ale Tuhan! Sangap jana marsahala do goarMu.

AMOS 3:8

Muda marngaur singa, ise ma he mabiar? Muda mandok hata Tuhan Debata, ise ma he tarbaen so jana nada paboahon tonaNia?

MALEAKI 1:11

Dipasangap angka bangso na di tano on do Au sudena. Sanga na di dia ditutung halahi do dupa laho pasangapkon Au jana dihaulkon halahi do angka haul na patut tu Au. Olo! sude do halahi pasangapkon Au!”

MATEUS 25:32

Sude halak na satano on dipalagut ma di joloNia. Dung i sirangonNa ma halahi gabe dua punguan songon panyirang ni hambeng sian biri-biri.

JOSUA 22:22

“Debata do Na Sun Markuaso! Ia do Tuhan! Debata do Na Sun Markuaso! Ia do Tuhan! Diboto Ia do sanga hara ni aha umbaen na hami patupa pangalaho on jana giotnami pe ulang so dohot hamu nian umbotosa! Sugari na tutu hami baen pangalaho i mardongan maksud mangalo Tuhan sanga hara ni na so porsaya be hami tuSia, bunu hamu ma hami saonnari!