MASMUR 5:9 - BIBEL JAMITA NA DENGGAN

⁹ Nada haposan anggo hata ni musungku; giot ni halahi, sai mago ma nian au. Tabo do begeon hata na nidok ni halahi, hape anggo roha ni halahi hum na giot manjahati.

MASMUR 5:9 ပူးပေါင်းရင်းမြစ်များ

ESRA 8:21

Hupabotohon ma di topi ni Batang aek Ahawa i, bahaso angkon puaso sude jana patorukkon roha di adopan ni Debata. Hami tangiangkon do anso dipimpin Debata hami di pardalanan i, jana dijagohon Ia hami, angka dakdanaknami dohot sude sinadongannami.

MASMUR 27:11

Ajari au ale Tuhan anso mangolu au marguru tu giotMu. Di dalan na aman ma togu au angke na bahatan do musungku.

MASMUR 51:6

Haiason dohot habulusan ni roha do dipangido Ho, gohi ma rohangku dohot habisuhonMu.

MASMUR 52:2

Mangicu jana mambaen sangkap na jat do ho sasadari, dilamu pe songon piso cukur na tajom.

MASMUR 62:4

Hum na giot mandabuhon ia do halahi sian pangkatna na timbo; jop do roha ni halahi margabus; markite-hite pamangan halahi mamasumasu, tapi mamurai do halahi di bagasan roha.

MASMUR 62:9

Anggo jolma sangombus hosa do i na godang sanga na menek rap na so mararga do i. Muda nitimbang, tardapot ma halahi na nayang, numayang sian sangombus hosa.

MASMUR 64:6

Disangkap halahi do patupa parbuatan na jat jana diambangsa ma na dung sanggam sangkapna. Nian mabagastu do dodoan roha dohot ate-ate ni jolma.

MASMUR 69:19

Diboto Ho do incak-incak, hahaila bope tilako na tu au, diboto Ho do sude musungku.

PODA 29:5

Na paoto-oto donganna, mambaen jorat do i tu dirina.

JESAYA 26:7

Lidang do dalan ni halak partigor, angke Ho do na mangarintis dalan disia.

JEREMIA 17:9

Nada tardodo anggo roha ni jolma umbisuk do i sian sasudena jana sun antong jahatna.

JEREMIA 4:14

O Jerusalem, ambungkon ma hajahatan sian bagasan rohamu anso dipalua ho. Sadia honok nari angka pikiran na jahat i sai simpan-simpanonmu di bagasan rohamu?

MIKA 6:12

Angka halak na mora di hutamu mamoroi do sian halak na pogos, jana pargabus do hamu sudena.

LUKAS 11:39

Gabe didok Jesus ma tusia, “Tutu do i anggo halak Parise somal do dipaias hamu mangkuk dohot pingganmunu sian duru sajo tapi anggo di bagasan dirimunu sandiri gok dohot na nisamun dohot hajahatan do.

LUKAS 11:44

Marjaya ma hamu! Songon tanoman na so martanda do hamu, di dege-dege halak sian na so binotona!”

SURAT NI SI PAULUS TU PARLAGUTAN ROM 3:13

Songon kuburan na talak noma aru-aru ni halahi. Mabaor sipaoto-oto sian dila ni halahi, jana bibir ni halahi marbisa songon ulok.

1 TESSALONIKA 2:5

Tangkas do diboto hamu na so jungada hami pake hata lancap sanga na hami tipu hamu anso dapotan untung hami. Debata ma saksina!