MASMUR 5:8 - BIBEL JAMITA NA DENGGAN

⁸ Tuhan, na bahatan do angka musungku! Togu ma au patuluskon giot ni rohaMu, jana pahornop ma dalanMu na giot hudalani.

MASMUR 5:8 ပူးပေါင်းရင်းမြစ်များ

2 SAMUEL 12:14

Tapi dibaen madung sanga layas Tuhan dibaen raja i hara ni pangalaho i, gabe mate do anak ni raja na sorang i.”

MASMUR 119:10

Sian sandok rohangku huusahahon do laho mananda Ho, ulang padiar au manyimbil sian parentaMu.

MASMUR 119:64

O Tuhan, gok holong ni rohaMu do portibi on ajarkon ma tu au angka hatontuan na nibaenMu.

MASMUR 138:2

Di na hupuji goarMu, laing marsomba muse au adop BagasMu na badia, angke setia do Ho jana sai marholong roha, madung dipatorang Ho, goar dohot angka parentaMu disalpui i do sasudena.

MASMUR 27:11

Ajari au ale Tuhan anso mangolu au marguru tu giotMu. Di dalan na aman ma togu au angke na bahatan do musungku.

MASMUR 31:1

Ale Tuhan marpangondian tu Ho do au, ulang loas dipaila jana lus au, hara ni hatigoranMu, sombangku, palua ma au.

MASMUR 54:5

Padiar ma musungku didondoni hajahatanna sandiri, pusa ma halahi, angke setia do Ho tu au.

MASMUR 59:10

Dihaholongi jana didapotkon Debatangku do au, dipaloas Debatangku do au marnida hataluan ni musungku.

MASMUR 86:11

Ajarkon ma tu au hagiotMu ale Tuhan, anso huihutkon i marhaburjuan. Ajari ma au marpangoloion tu Ho sian sandok rohangku.

PODA 4:25

Sian torang ni panailimu tarida ma nian hatigoran ni rohamu; ulang jabat unduk ho hara ni ila ni rohamu.

JUNUS 2:5

Madung dihuliangi aek au, mangancam ngolungku, dibonom aek i sude pamatangku, dililiti angka lumut ulungku di ojahan ni angka dolok.

MATEUS 3:3

Si Johannes on ma na nidok ni Panurirang Jesaya di angka hatania on, “Adong ma sada halak na pio-pio di halongonan, ‘Pauli hamu ma dalan ni Tuhan; pahornop hamu ma dalan na giot bolusonNia.’ ”

IBRANI 12:13

Di dalan na hornop ma hamu mardalan, anso ulang tarbalingsu patmunu, tapi mur tu malumna ma.