MASMUR 5:12 - BIBEL JAMITA NA DENGGAN

¹² Angke dipasupasu Ho do sanga ise na mangoloi Ho, markite-hite holong ni rohaMu, halahi diramoti Ho.

MASMUR 5:12 ပူးပေါင်းရင်းမြစ်များ

MASMUR 112:1

Martua ma na burju na marjop ni roha patuluskon parenta ni Tuhan.

MASMUR 115:13

Sude halak na pasangap Ia, na menek sanga na magodang, giot pasupasuonNia.

MASMUR 118:15

Sora ni olop-olop dohot hatuaan marsaringar di undung-undung ni partigori. “Tangan siamun ni Tuhan mambaen hamonangan.

MASMUR 119:132

Manaili ma Ho tu au jana ibo ma rohaMu di au, songon panghasianiMu di halak na nihaholonganMu.

MASMUR 29:11

Sai dipargogoi Tuhan ma bangsoNia, jana mangalehen hasonangan di halahi.

MASMUR 3:3

Hape Ho do ale Tuhan, parince na mangondingi au; dilehen Ho do hamonangan di au jana dipagodang Ho rohangku.

MASMUR 3:8

Sian Ho do ro pangurupion, ibo ma rohaMu, ra ma jolo Ho mamasumasu bangsoMon.

MASMUR 32:10

Sanga ise angka pardosa, dondonan ni bahat hasusaan; tapi anggo na marpos ni roha tu Tuhan sai hot do i dilinggomi jana dihaholongi Tuhan.

MASMUR 32:7

Ho do inganan parsimonjapanku, diondingi Ho do iba sian mara. Gabe marsurak ma au hara ni moga ni roha, dibaen dipalua Ho do antong iba.

MASMUR 68:4

Marende ma hamu di Debata, puji ma goarNia, parade ma dalan diSia na markareta ombun. Tuhan do goarNia, marolop-olop ma di joloNia.

MASMUR 84:11

Angke pangondian na gogo do Tuhan Debata, na mangalehen sangap dohot basa-basa di hita. Sai marpupu do dilehen Ia hadenggananNia tu halak na patuluskon hagiotNia.