MASMUR 5:11 - BIBEL JAMITA NA DENGGAN

¹¹ Marjop ni roha ma sanga ise na marlinggom tu Ho, mardongan jop ni roha marende-ende sai na tarbaen halahi do! Diramoti Ho do halak na manghaholongi Ho, sai marjop ni roha halahi hara ni Ho.

MASMUR 5:11 ပူးပေါင်းရင်းမြစ်များ

JOB 38:7

di na rap marendei angka bintang andostorang dohot angka na nijadihon di banua ginjang marsurak marmoga sonang?

MASMUR 2:12

Ulang jabat Tuhan gabe muruk, jana manigor hona pusa hamu, harana manigor mura do ro murukNa. Martua ma halak na marlinggom di Tuhan i!

MASMUR 35:27

Sai marjop ni roha ma nian sanga ise na marpor ni roha mida au nipatigor. Sai mulak-ulak ma nian didok halahi, “Na godang ma da antong Tuhan! GiotNia anso dapotan haluaan ma nian naposoNa i.”

MASMUR 40:16

Sai marmoga-moga jana marjop ni roha ma sandok halak na manjalahi Ho. Sai sude ma nian mandok tarimakasi hara ni haluaan na nilehenMu torus mandok, “Na godang ma da Tuhan tutu!”

MASMUR 58:10

Marjop ni roha halak na burju, paida-ida halak parjahat hona uhum, jana mambasu patna dohot mudar ni halak na durako.

MASMUR 65:13

Mamontar padang i dibaen biri-biri, angka rura pe ditutupi masa ni na manyabi. Sude marsurak marjop ni roha, jana marende marmoga-moga.

MASMUR 68:3

Hape anggo halak na daulat marmoga-moga, marolop-olop di jolo ni Debata.

MASMUR 69:36

jana pateankonon tu pomparanna; angka halak na manghaholongi Tuhan noma manginganisa.

ZAKARIA 9:9

Ale boru Sion, marjop ni roha ma ho! Marolop-olop ma hamu ale pangisi ni Jerusalem! Ligi ma! Ro rajamu mardongan hamonangan! Raja na tigor do Ia na maroban haluaan. Na serep roha do Ia, jana mangalombut halode, sada halode jara-jara.

SURAT NI SI PAULUS TU PARLAGUTAN ROM 8:28

Taboto do, Debata do na mangatur sasudena, anso gabe manjalak tu dengganna di angka halak na mangkaholongi Ia jana na nipiohonNia hombar tu sangkapNia.

1 KORINTUS 2:9

Tapi songon na nidok ni surat di Buku Na Badia i do, “Anggo di angka halak na manghaholongi Debata, madung dipasingkop Debata hian angka na so unjung diida mata, sanga dibege jolma, jana na so jungada muse dope tubu di bagasan roha ni jolma.”

JAKOBUS 1:12

Martua do sanga ise na sobar di na manaon pandugaan. Angke muda dung disalpui ia pandugaan i, manjagit upa ma ia, i ma hangoluan na nijanjihon ni Debata tu angka na mangkaholongi Debata.

JAKOBUS 2:5

Hamu angka dongan na nihaholongan, tangihon hamu ma! Angka halak na pogos ninna roha ni portibi on, i do na dipili Debata anso gabe halak na mora di haporsayaanna tu Tuhan. Halahi do na maruli di Harajaan Ni Debata na nijanjihonNa i tu angka halak na mangkaholongi Ia.

HALUMBAAN 18:20

Marjop ni roha ma hara ni ia, ale banua ginjang, dohot hamu halak na badia, angka rasul dohot angka panurirang, harana madung diuhumi Debata ia hara ni pambaenannia maradopkon hamu!

HAKIM-HAKIM 5:31

Sai mate ma nian angka musuMu, Tuhan, songon si Sisera, tapi sude donganMu sai magodang ma songon mataniari di angkasa. Dung i i sonang ma luat i opat pulu taon lolotna.