MASMUR 5:10 - BIBEL JAMITA NA DENGGAN

¹⁰ Ale Debata, laing diadili ma da halahi anso mago sandiri halahi baenon ni roha ni halahi i maradopkon Ho do halahi manggagai paorot ma halahi hara ni dosa ni halahi na bahat i.

MASMUR 5:10 ပူးပေါင်းရင်းမြစ်များ

2 SAMUEL 15:31

Di na dipaboa tu si Daud na dohot muse si Ahitofel rap dohot si Absalom, martangiang ma si Daud, songon on, “O ale Tuhan, sugari disundati Ho ma nian sipaingot ni si Ahitofel!”

2 SAMUEL 17:14

Umbege i didok si Absalom dohot halak Israel i ma sude, “Dumenggan do na nidok ni si Husai on sian sipaingot ni si Ahitofel i.” Tutu ma antong na dung diputuskon Tuhan laho manyundati sipaingot ni si Ahitofel na denggan i, anso marmara si Absalom.

2 SAMUEL 17:23

Dung diida si Ahitofel na so diihutkon hatania i, dipasang ia ma palano ni halodenia, lalu mulak ma ia tu kotania sandiri. Dung dipasidung ia sude urusannia, manyingkot ma ia lalu ditanom di kuburan ni halahi sahorong.

2 JUJUR TAON 25:16

“Pahohom,” ning si Amasia, “Anggo inda, hami bunu ho annon! Nada jungada hami angkat ho gabe panuturi ni raja!” Jadi gabe sip ma panurirang i, tapi painte so i sanga dope tardokkon ia, “Saonnari ma pasti huboto na matehonon ni Debata noma raja i hara ni pambaenan ni raja i, boti hara ni na so diterge raja i sipaingotku.”

ESTER 7:10

Songon i ma si Haman digantung di tiang na nipajongjongnia i baen di si Mordehai. Dung salpu pe i anso mombun rimas ni raja i.

MASMUR 10:15

Ponggolkon ma hakuasoon ni halak na jahat marroha, uhumi hajahatanna i anso jora.

MASMUR 107:11

angke mangalo halahi tu Debata, jana nada parduli di parenta ni Na Gumincat i.

MASMUR 17:13

Jongjong ma Ho Tuhan, alo jana taluhon ma musungku, palua au sian parjahat hara ni podangMu.

MASMUR 31:18

Sumpol ma pamangan ni angka pargabus na manyombong pacia-ciahon halak na bulus.

MASMUR 35:26

Padiar ma talu jana so marhatontuan sanga ise halak na sonang mida sitaononku. Padiar ma angka na gakgak i tu au marbile jana maila.

MASMUR 55:15

Padiar ma mate ompot musungki, mangolu-ngolu dibondut hamatean i, angke marroha-roha do hajahatan di bagas ni halahi, lopus tu bagasan roha ni halahi i.

MASMUR 66:7

Marhite hagogoon mamarenta Ia salolot-lolotna. Dimatai Ia angka bangso anso ulang lobas pangalo i palalu rohana tuSia.

MASMUR 71:13

Sai ditaluhon jana diagohon ma, sanga ise na mamorangi iba. Sai dipalebak jana targora ma sanga ise na mambaen hamamago tu iba.

MASMUR 79:12

Ale Tuhan, baloskon ma pitu noli lompit incak ni musu maradopkon Ho.

JESAYA 1:2

Didok Tuhan ma, “O, langit dohot tano tangihon ma na Hudok! Angka dakdanak na Hupature-ture mangalo do tu Au.

JESAYA 1:20

Tapi muda mangalo do hamu tu Au, pasti mate noma hamu. Au, Tuhan madung mandok i.”

JESAYA 63:10

Hape manggugai do halahi mambaen roha ni Tuhan gabe marsak. Jadi gabe musuNia ma halahi jana marporang mangalo halahi.

ANDUNG 1:5

Marbungaran angka musuna hara ni na dung mangarajai ia. Tuhan mambaen ia humasusa, patunda ni bahatna dosania. Hona taban do halakna, jana dioban tu habuanganna di jolo ni musuna.

DANIEL 9:5

Madung mardosa hami, madung mambaen na jahat hami, boti mambaen hasalaan. Hami tinggalkon do parentaMu jana manyimbil do hami sian angka aturanMu.

DANIEL 9:9

Gok di Ho hasesaan ni dosa dohot asi ni roha haru pe madung mangalo hami tu Ho.

HOSEA 9:7

Madung dapot ari panguhuman, hatiha pamaloson tu sandok parbuatan. Taonon ni Israel noma i! Didok hamu, “Na oto do panurirang on. Na rintik do jolma na nirajaan ni tondi on!” Didok hamu pe songon i hara ni gigina do rohamunu tu Au jana dosamunu santak godangna.

1 KORINTUS 3:19

Angke na nietong ni portibi on bisuk, anggo di parnidaan ni Debata i ma halak na oto. Tarsurat do di Buku Na Badia i, “Dipadapot Debata do angka na bisuk dohot hamaloan ni halahi i sandiri.”

PANGARATAION 2:30

Hape nada ra Raja Sihon patolahon hita mamolus tanonia i. Madung dipapir Tuhan Debatamunu i rohania jana papuluk-pulukkon, anso tartaluhon hita ia jana tabuat luatnia i. Laing hita do mangingani luat i lopus saonnari.

1 SAMUEL 25:29

Sugari sura adong sada halak na mangaroro mangalo tuan i jana na mancubo mamunu tuan i, ingkon do jagohonon ni Tuhan Debata tuan i songon arta na nijagohon ni nampunasa. Tapi anggo musu ni tuan i ambungkonon ni Tuhan do dao-dao, songon batu na didanggurkon dohot ambalang.

1 SAMUEL 25:39

Dung tarbege tu si Daud na dung jumolo si Nabal, didok ia ma, “Nipuji ma Tuhan! Madung dibaloskon Ia habilean na nibaen ni si Nabal tu au, jana diantahi Ia naposona on mambaen hajahatan. Madung diuhum Tuhan si Nabal hara ni hajahatannia i.” Dung i disuru si Daud ma suruannia tu si Abigail laho manyapaisa gabe dadaborunia.