MASMUR 49:14 - BIBEL JAMITA NA DENGGAN

¹⁴ Ditontuhon hian do halahi mate songon biri-biri; hamatean i noma marmahan halahi. Manulus do halahi manuat tu kuburan jana maringanan di bagasan hamatean, manigor malangke ma pamatang ni halahi.

MASMUR 49:14 ပူးပေါင်းရင်းမြစ်များ

JOB 21:13

Abis patabo-tabohon do ari-ari ni ngoluna, jana di bagasan dame marujung ma ngoluna.

JOB 21:26

Hape anggo di kuburan an, rap modom halahi margayangan; dirongomi binga boti ulohan.

JOB 30:23

Huboto do, na niboanMu au tu hamatean, inganan pangaluhutan ni sude na marhangoluan.

JOB 4:21

Gabe mago ma sude sinadonganna; mate muse ma i so dapotan roha na bisuk.’

MASMUR 30:5

Angke hum santongkin sajo do muruk Tuhan, hadenggananNa do mardalan salolot iba di hangoluan. Saborngin sajo do au tangis, hape maroban hamogaan ma mataniari bincar.

MASMUR 39:11

Diuhum Ho do jolma jana diajar Ho hara ni hasalaanna do. Songon ngitngit, dilantuk Ho sanga aha hagiotna. Tutu ma da, hum songon sangombus hosa do jolma.

MASMUR 44:11

Dipadiar Ho do hami dibante songon biri-biri, disarsarkon Ho do hami di tonga-tonga ni angka bangso.

MASMUR 47:3

Ia do mangalehen hamonanganta maradopkon angka bangso, dibaen Ia do hita gabe pangarajai ni sude marga ni bangso.

MASMUR 9:17

Hamatean do bagian ni halak pardosa, angka bangso na so manghabiari Debata.

PARJAMITA 12:7

Mulak ma pamatangta, gabe abuan di tano. Mulak hosa hangoluanta tu Debata. Na nilehenNia do songon basa-basa.

JEREMIA 12:3

Tapi anggo Ho ale Tuhan, ditanda Ho do. Diida Ho do sanga aha na hubaen, jana diboto Ho do sanga songon dia holong ni rohangku tu Ho. Togu ma angka parjahat i tu ruar; oban ma halahi songon biri-biri tu panyambolan. Jago ma halahi lopus dapot hatihana hona sambol halahi.

DANIEL 7:18

Tapi anggo tu bangso ni Debata Na Gumincat i lehenon do kuaso laho mamarenta jana manongtong do salolot ni lolotna pangarajaina.”

DANIEL 7:22

Dung i ro ma Na Tongtong Mangolu i mangalehen haputusan na mandok tigor do bangso ni Debata Na Gumincat i. Madung dapot hatihana di halahi laho manjagit kuaso laho mamarenta.

HOSEA 6:3

Hara ni i, tahaburjuhon ma laho mananda Tuhan. Pasti do ro Ia tu hita songon parbincar ni mataniari jana songon udan na mangaehi tano di ujung ni ari nonat.”

MALEAKI 4:3

Gabe dege-degeonmunu ma angka halak na jahat jana lopus songon abuan halahi dege-degeonmunu.

LUKAS 22:30

Tola ma hamu rap dohot Au marsonang-sonang di HarajaanKi. Jana juguhanmunu ma dua bolas habangsa laho manguhumi halak Israel sidua bolas marga i.”

SURAT NI SI PAULUS TU PARLAGUTAN ROM 8:36

Songon na tarsurat i, “Hara ni Ho di bagasan parmaraan do hami sasadari, nietong do hami songon biri-biri sisambolon.”

1 KORINTUS 6:2

Adong he na so diboto hamu do angkon uhuman ni angka halak na badia do portibi on? Jadi anggo uhumanmunu do portibi on, na so tarsalosehon hamu be angka parkaro na songon i menekna?