MASMUR 48:9 - BIBEL JAMITA NA DENGGAN

⁹ Ale Debata, di bagasan BagasMu, hami ingot do holong ni rohaMu.

MASMUR 48:9 ပူးပေါင်းရင်းမြစ်များ

1 RAJA-RAJA 10:6

Jadi didok ia ma tu Raja Salomo, “Tutu do hape sude na hubege di luatnami, taringot tu tuan i dohot hamaloan ni tuan i!

1 RAJA-RAJA 10:7

Tapi dung ro au tuson jana huida sandiri sude dohot matangku, baru ma anso porsaya au. Satutuna, nada marsatonga dope na hubege i sian na huida saonnari. Satutuna anggo hamaloan dohot sinadongan ni tuan i dao do umbahat sian na dicaritohon tu au.

MASMUR 104:34

Sai tumbuk nian endengki di rohaNia angke Ia do mambaen rohangku marmoga-moga.

MASMUR 26:3

HolongMi do tongtong manogu au, sai Ho do tongtong na gabe oloanku.

MASMUR 40:10

Di parpunguan ni bangsongku nada hupahohom, barita haluaan i nada hurahasiahon. Sai na hupajojor-jojor do haburjuan ni rohaMu, pangurupiMu dohot holong ni rohaMu na so mantak i.

MASMUR 87:5

Salaho tu Sion didokkon ma, “Di bagasanna do sude halahi disorangkon jana Ia Na Gumincat na giot pahotkon halahi.”

ENDE NA GODANG 1:4

Oban ma au, marlojong ma hita; piohon ma au tu bilik ni raja. Marjob ni roha ma hami hara ni ho, jana na mamuji holongmu lumobi sian anggur. Patut do muda sude dadaboru por rohana mida ho!

JESAYA 26:8

Hami patulus do giotMu, ale Tuhan, hum Ho sajo do haposannami dohot lungun ni rohanami.

JEREMIA 31:40

Sude rura i, tanoman ni na mate i dohot inganan habuangan ni sirabun i, dohot sude kobun na di atas ni Batang aek Kidron lopus tu Horbangan kudo sabola Habincaran gabe badia ma i di Tuhan nada be rumpakkonon sanga roncohonon ni bagi ise kota i salolot-lolotna.”