MASMUR 48:2 - BIBEL JAMITA NA DENGGAN

² Sion, dolok ni Debata na jeges jana gincat marsijongjong, kota ni Raja Godang hajopan ni roha ni sude portibi on.

MASMUR 48:2 ပူးပေါင်းရင်းမြစ်များ

MASMUR 135:21

Puji ma Tuhan di Sion, di Jerusalem inganan parmiananNia. Puji ma Tuhan!

MASMUR 50:2

Sian Sion, kota na jumeges, marsinondang Debata maradu torang.

MASMUR 76:2

Jerusalem do ingananNia; Dolok Sion do inganan parmiananNia.

MASMUR 87:3

Angka pangalaho na denggan didokkon taringot tu ho; ale Kota Ni Debata.

MASMUR 99:9

Somba sujut ma tu Tuhan Debatanta, angke na badia do Ia. DiSia do sangap dohot puji, di DolokNia na badia i.

JESAYA 14:13

Anggo giot ni rohamu nian sai na giot tu langit, jana mambaen habangsamu di ginjang ni bintang pargincat! Diambang ho tarbaen ho ma juguk di ginjang ni dolok na di Utara, inganan parpunguan ni angka debata.

JESAYA 2:2

Angkon tarjadi ma di angka ari na parpudi, dolok inganan ni Bagas Ni Tuhan angkon jongjong di julu ni angka dolok jana tardas di ginjang ni angka dolok marudur ma tu si angka bangso.

JESAYA 60:14

Ro ma angka dakdanak ni na mamparkanciti ho marsomba tu jolomu na dung jungada mangalayasi ho mamparsangapi jana tunduk, ‘Sion, Kota Ni Debata Na Badia ni Israel’, ‘Kota Ni Tuhan’, songon i ma ho nigoaran.

JESAYA 66:10

Ale hamu na manghaholongi Jerusalem, beta ma marjop ni roha, marmoga-moga ma hara ni i! Hamu na marsak hara ni ia, saonnari tola ma marjop ni roha.

JEREMIA 3:19

Didok Tuhan, “O ale Israel, por do rohangKu manjagit ho songon anakKu, dohot mangalehen tu ho tano hasonangan, luat na jumeges di sandok tano on. Por do rohangKu didok ho Au Amangmu, jana nada lari be ho sian Au.

ANDUNG 2:15

Mangincahi ma tu hamu angka pamolus jana martata, dibaen madung sego kota Jerusalem sudena. Didok halahi, “I ma he ibana kota na jumeges lakna? Kota pujian ni portibi on sudena?”

JEHESKIEL 20:6

Marjanji do Au di hatiha i giot maroban halahi ruar sian Mesir manuju tu tano na Hutodo di halahi. Tano na mora jana na napu do luat i, i ma tano na dumenggan di portibi on sudena.”

DANIEL 11:16

Roha-roha ni raja ni Siria i ma baenonna nada adong pola be paraloan mangambatisa. Inganannia ma tano parjanjian i jana marguru disia sajo noma sudena.

DANIEL 11:45

Mur baenonnia muse ma benteng ni harajaannia na godang jana na gincat i di antara ni laut dohot Dolok Na Jeges na badia. Tapi mate do ia muse jana sahalak pe nada adong na mangurupi ia.”

DANIEL 8:9

Tubu ma sada tanduk na menek sian sada tanduk na opat i na mabidang kuasona adop Selatan, adop Habincaran dohot adop tano na denggan.

MALEAKI 1:14

“Hona bura ma pangicu na manghaulkon tu Au pahan-pahanan na so mararga, anggo adong dope pahan-pahanan na asing na dung dijanjihon humani tu Au! Angke Au do Raja Godang, jana sandok bangso do pasangapkon Au.”

MALEAKI 3:12

Jadi dokkonon ni sandok bangso ma hamu na martua, angke gabe tano siinganan na denggan do tanomunu.”

MATEUS 5:35

Sanga markite-hite tano on. Harana sidege-degean ni pat ni Debata do tano on. Sanga markite-hite Jerusalem, angke kota ni Debata do i.

IBRANI 12:22

Tapi anggo hamu, Dolok Sion noma na niadopanmunu bope Kota Ni Debata na mangolu, i ma Jerusalem na di banua ginjang dohot surusuruanNa na marribu-ribu.