MASMUR 48:1 - BIBEL JAMITA NA DENGGAN

¹ Na godang do Tuhan jana na tarpuji situtu di Kota Ni Debatanta, di dolokNia na badia.

MASMUR 48:1 ပူးပေါင်းရင်းမြစ်များ

NEHEMIA 9:5

Angka halak Levi do na mamungka ibadat di ari i, i ma si Jesua, si Kadmiel, si Bani, si Hasabneya, si Serebya, si Hodia, si Sebanya dohot si Petahya. Didok halahi ma, “Jongjong ma hamu, jana puji ma Tuhan Debatanta! Lehen ma tuSia pujian salolot-lolotna! Nipuji ma goarNa na gok hamuliaan, goar na hebat, na manyalpui sandok pujian!”

MASMUR 145:3

Angke na tongam do Ho, ale Tuhan jana tarpuji situtu, nada hadodoan hagodanganMu.

MASMUR 147:5

Na godang ma da Tuhanta jana na sumurung habisuhonNia nada tarsuhat.

MASMUR 2:6

Ning Ia ma, “Di Sion, dolokKu na badia i madung Hupabangkit raja na Hupili i.”

MASMUR 30:1

Hupuji do Ho ale Tuhan, angke madung dipatongon Ho di au haluaan. Nada dipadiar Ho musungku marsurak manggorai au.

MASMUR 42:1

Songon ursa na manghalungunkon batang aek, songon i do tondingku manghalungunkon Ho, ale Debatangku.

MASMUR 46:1

Debata do pangondianta dohot gogonta, sai na rade do Ia mangurupi muda ro hasusaan.

MASMUR 46:4

Adong do batang aek na pajopkon roha ni Kota Ni Debata, inganan ni Debata Na Gumincat.

MASMUR 47:8

Juguk di habangsoNa Na Badia do Debata, diparenta Ia angka bangso.

MASMUR 65:1

Patut ma da antong pujionnami Ho di Sion ale Debata laho manggohi janji na hami baen mardongan sumpa.

MASMUR 78:68

Marga Juda do na nipulditNia, dohot Dolok Sion na nihasianNia.

MASMUR 86:10

Dibaen na sangap do Ho, hahomangan do karejoMu, hum Ho do Debata.

MASMUR 87:1

Di ginjang ni dolok na badia adong kota na dipajongjongNia.

MASMUR 87:3

Angka pangalaho na denggan didokkon taringot tu ho; ale Kota Ni Debata.

MASMUR 96:4

Angke na godang do Tuhan jana na tarpuji situtu do Ia, manyalpui sude debata patut dilehen sangap tuSia.

MASMUR 99:9

Somba sujut ma tu Tuhan Debatanta, angke na badia do Ia. DiSia do sangap dohot puji, di DolokNia na badia i.

JESAYA 27:13

Paluon ma di hatiha i sarune laho marpio sude halak Israel na hona buang di Asur dohot di Mesir. Ro ma halahi tu Jerusalem marsomba tu Tuhan di dolokNa na badia.

JEREMIA 31:23

Didok Tuhan Na Markuaso i, Debata ni Israel, “Muda dung Huoban bangsongKu mangulahi tu tano ni halahi sandiri, tarbege muse ma di tano Juda dohot di angka kotana i dokkonon ni halak, ‘Sai dipasupasu Tuhan ma da, ho ale inganan hasintongan ho ale dolok na badia!’

OBAJA 1:17

“Hape anggo di Dolok Sion, laing adong do na malua, jana gabe inganan hapunjunganKu ma dolok i. Jadi mulak ma pomparan ni si Jakob gabe tano pusako ni halahi ma i.

MIKA 4:1

Anggo tu angka ari na ro dolok ni Bagas Ni Tuhan tarida ma gumincat jana tigor ma i jongjong manyalpui angka dolok na gincat. Marroan ma tusi angka bangso;

ZAKARIA 8:3

Songon on do hata ni Tuhan Na Markuaso i, “Mulak noma Au tu Jerusalem tu kotangKu na badia i, jana maringanan ma Au disi. Tarbarita ma Jerusalem songon kota na tigor jana goaron ma Dolok Ni Tuhan Na Markuaso i, Dolok Na Badia.”

MATEUS 24:15

“Idaonmunu ma masa hajahatan na manyegohon tarjadi di inganan na badia on, songon na nidok ni Panurirang Daniel. (Sanga ise na manyise i: Diparate-atehon ma artina!)

IBRANI 12:22

Tapi anggo hamu, Dolok Sion noma na niadopanmunu bope Kota Ni Debata na mangolu, i ma Jerusalem na di banua ginjang dohot surusuruanNa na marribu-ribu.

HALUMBAAN 19:5

Jadi tarbege ma sian habangsa i hata na mandok, “Puji ma Debatanta, ale hamu angka naposoNia, hamu angka na mabiar mida Ia, bope na menek, bope na magodang!”

HALUMBAAN 21:2

Gabe huida ma Kota Na Badia i, i ma Jerusalem na imbaru, na mijur sian banua ginjang sian Debata. Madung jolo nihobasan kota i songon boru na giot marbagas laho mandapotkon halaklahina.