MASMUR 47:3 - BIBEL JAMITA NA DENGGAN

³ Ia do mangalehen hamonanganta maradopkon angka bangso, dibaen Ia do hita gabe pangarajai ni sude marga ni bangso.

MASMUR 47:3 ပူးပေါင်းရင်းမြစ်များ

MASMUR 110:1

Didok Tuhan do tu tuanku, “Juguk ma ho di siamunKu, lopus tu na Hubaen angka musumu gabe sidege-degean ni patmu.”

MASMUR 18:47

Ia do mamaloskon hajahatan ni musungku, bope na pataluhon angka bangso di jolongku.

MASMUR 66:5

Ro ma hamu mangaligi angka pambaenan ni Debata, sumurung do antong homang ni roha di pambaenanNia maradopkon jolma!

MASMUR 81:14

gabe manigor patundukonKu ma musu ni halahi, sude alo ni halahi taluhononKu noma i.

MASMUR 95:3

Angke Debata na godang do Tuhan, raja na marsahala mangatasi sandok debata.

MASMUR 99:2

Na markuaso situtu do Tuhan di Sion, diatasi Ia sandok bangso.

JEREMIA 10:7

Ise ma he na so mabiar marnida Ho, ale Raja ni sandok bangso? Tutu ma da, Ho do na patut sipujion jana na patut pasangapon. Sian sandok na pistar di tonga-tonga ni angka bangso dohot sian sude angka raja ni halahi, sahalak pe nada adong martudosan tu diriMu ale Tuhan.

ZAKARIA 14:9

Jadi mamarenta ma Tuhan gabe raja di sandok portibi on; sombaon ni ganop jolma ma Ia songon Debatana jana tandaon ni halahi ma Ia di bagasan goar na sarupa.

MALEAKI 1:14

“Hona bura ma pangicu na manghaulkon tu Au pahan-pahanan na so mararga, anggo adong dope pahan-pahanan na asing na dung dijanjihon humani tu Au! Angke Au do Raja Godang, jana sandok bangso do pasangapkon Au.”

1 KORINTUS 15:25

Mamarenta ma Kristus lopus sude musuNia i tunduk tuSia baenon ni Debata.

PANGARATAION 33:29

O Israel, na godang ma antong tuamu, nada adong bangso na dipalua songon bangsomu. Tuhan i sandiri do parince dohot podangmu, mambela dohot mangalehen hamonanganmu. Marroan ma musumu mangido ibo ni roha, dege-degeonmu ma halahi sudena di dolok-dolok ni halahi.”

PILIPPI 3:21

Anggo pamatangta na gale boti na ra madangke on, paubaon ni Kristus do i gabe marsangap songon pamatangNia sandiri. Tarbaen do songon i angke adong do kuasoNia laho manaluhon sasudena.

JOSUA 21:44

Jadi domu tu na dung dijanjihon Tuhan tu ompu na umpompar angka halak Israel i, dijagohon Tuhan ma antong sude luat i gabe sonang. Sian sude angka musu ni halahi i umpe adong sada na tolap mangalo halahi, angke dilehen Tuhan do hamonangan di halak Israel maradopkon angka musu ni halahi.