MASMUR 47:1 - BIBEL JAMITA NA DENGGAN

¹ Martopapi ma hamu marjop ni roha, hamu angka bangso sudena! Puji hamu ma Debata mardongan surak-surak!

MASMUR 47:1 ပူးပေါင်းရင်းမြစ်များ

2 SAMUEL 6:15

Songon i ma pangalahona si Daud dohot rayat Israel sudena mamindahon Poti Parjanjian i tu Jerusalem mardongan surak-surak dohot sora ni sarune.

2 RAJA-RAJA 11:12

Dung i dioban si Joyada ma si Joas tu ruar, mamake tuku di uluna i, jana dilehen ia tu si Joas tona ni Debata. Diangkat ma si Joas gabe raja jana dibaen ma boa-boana tu rayat. Martopapi ma rayat jana marsurahi, “Horas ma di raja i!”

2 JUJUR TAON 13:15

lalu disurakkon pasukan ni Juda i ma surak-surak parporangan jana maju ma halahi mangaroro dipimpin si Abia. Ditaluhon Debata ma si Jerobeam dohot pasukan ni Israel i,

MASMUR 106:47

Palua ma hami, ale Tuhan Debatanami, sian tonga-tonga ni angka bangso i oban ma hami mangulaki anso tarbaen hami mandok tarimakasi dohot mamuji goarMu na tongam i.

MASMUR 42:1

Songon ursa na manghalungunkon batang aek, songon i do tondingku manghalungunkon Ho, ale Debatangku.

MASMUR 46:1

Debata do pangondianta dohot gogonta, sai na rade do Ia mangurupi muda ro hasusaan.

MASMUR 47:5

Madung dipanaek Debata habangsaNia, mardongan surak-surak dohot sora ni sarune.

MASMUR 98:4

Marsurak-surak ma hamu di Tuhan, ale sandok tano on, marsurak ma hamu jana pajojor masmur marjop ni roha!

MASMUR 98:8

Martopapi ma angka batang aek, marsuraki ma angka dolok di adopan ni Tuhan.

JESAYA 55:12

Satutuna, na giot kehe noma hamu di bagasan jop ni roha, dipataru tu balian di bagasan sonang. Dolok dohot tor marendei marmoga-moga di jolomu, jana angka hayu pe martopapi.

JEREMIA 31:7

Didok Tuhan do, “Marende ma hamu marjop ni roha di Israel bangsongKi, bangso na gumodang sian sandok bangso do i. Endehon hamu ma ende puji-pujian. ‘Na teba sian bangsoNa madung dipalua Tuhan.’

ZEPANYA 3:14

Ale Israel, marsurak ma hamu jana marende! Ale Jerusalem, marmoga-moga ma hamu sian sandok ate-ate.

ZAKARIA 4:7

Ise do ho, ale dolok na godang? Angkon gabe tano napa ho anggo maradopkon si Zerubabel. Payakkononmu ma batu parsuhi mardongan surak-surak mandok, ‘Jeges! Jegesna i antong batu i!’ ”

ZAKARIA 9:9

Ale boru Sion, marjop ni roha ma ho! Marolop-olop ma hamu ale pangisi ni Jerusalem! Ligi ma! Ro rajamu mardongan hamonangan! Raja na tigor do Ia na maroban haluaan. Na serep roha do Ia, jana mangalombut halode, sada halode jara-jara.

1 SAMUEL 10:24

Dung i mandok hata ma si Samuel tu rayat i, “Ligi hamu ma halak na nitodo ni Tuhan, nada adong bandinganna sian hita sudena.” Marsurak ma sude bangso i, “Horas ma di raja i!”