MASMUR 46:9 - BIBEL JAMITA NA DENGGAN

⁹ Diantak Ia do parporangan di tano on sudena, diropuk Ia angka parkokas ni porang jana ditutungi Ia.

MASMUR 46:9 ပူးပေါင်းရင်းမြစ်များ

MASMUR 66:5

Ro ma hamu mangaligi angka pambaenan ni Debata, sumurung do antong homang ni roha di pambaenanNia maradopkon jolma!

JESAYA 10:23

Olo da, sude do luat i giot segohonon ni Tuhan, Tuhan Na Markuaso i; i do haputusan na nibaen ni Tuhan jana nada tarpauba be i.

JESAYA 11:9

Di sude dolokKu na badia, nada adong na jahat sanga pe mara, gok parbinotoan taringot tu Tuhan ma angka luat, songon aek na manggohi dano mangalantap.

JESAYA 2:4

Angkon gabe panguhum do Ia ditonga-tonga ni angka bangso jana gabe juri tu marga ni bahat bangso; anso ditopa halahi ma angka podangna gabe mata ni bajak jana angka tombakna manjadi piso cukur; nasa bangso nada be mangangkat podang maralohon bangso, jana nada be marsiajar marporang halahi.

JESAYA 60:18

Nada adong be barita salaho tu na mangasa gogo, nada be masarsar luatmunu. Songon tembok Au mangondihon hamu, jana pujionmu ma Au songon sipaluamu.

JEHESKIEL 39:3

Disi ma lipatonKu siornia i lopus madabu sian tangan siambirangnia i, jana dabuhononKu angka anak ni panania i sian tangan siamunnia.

MIKA 5:10

Huroncohon angka kota na adong di tanomu jana Hurumpakkon sude partahananmu.

JOSUA 11:6

Didok Tuhan ma tu si Josua, “Ulang ho mabiar mida halahi. Ancogot laing songon on hatihana, ma pola Hubunu halahi sude hara ni Israel. Angkon mapangpang do baenonmu tentara ni halahi na markudo i, jana angka kareta porangna i angkon purunonmu.”

JOSUA 11:9

Dipatulus si Josua do tu halahi na niparentahon ni Tuhan: Dipangpangi si Josua ma tentara ni halahi na markudo i jana ditutungi ia angka kareta porang ni halahi i.

1 SAMUEL 2:4

Madung maponggol sior ni parporang tapi halak na gale mur marhagogoan.