MASMUR 46:5 - BIBEL JAMITA NA DENGGAN

⁵ Disi do mian Debata, jana indangkan na ra sego kota i, dilehen Ia do pangurupion di habibincar ni mataniari.

MASMUR 46:5 ပူးပေါင်းရင်းမြစ်များ

MASMUR 112:6

Anggo halak na burju nada ganggu, salolot-lolotna do ia niingot.

MASMUR 125:1

Sanga ise na porsaya tu Tuhan, i ma na songon Dolok Sion, na togu nada tarhutur, jana tohong nada targulotkon salolot-lolotna.

MASMUR 143:8

Pasunggulkon ma tu au ganop manyogot holong ni rohaMu na manongtong i, angke tu Ho do au mararop roha. Hupasahat do tu Ho tangiangku patuduhon ma tu au dalan sibolusonku.

MASMUR 30:5

Angke hum santongkin sajo do muruk Tuhan, hadenggananNa do mardalan salolot iba di hangoluan. Saborngin sajo do au tangis, hape maroban hamogaan ma mataniari bincar.

MASMUR 37:40

Diurupi Ia do halahi jana dipalua, paluahon halahi sian halak na jahat, angke marpangondian do halahi tuSia.

MASMUR 62:2

Hum Ia do na mangondihon dohot na paluahon au, Ia do mambela au, nada taluhonon be au.

MASMUR 62:6

Hum Ia do na mangondingi dohot na paluahon au, Ia do mambela au, nada tartaluhon be au.

MASMUR 68:18

Manaek ma Ia tu inganan na gincat mardongan sahala, bahat do dioban Ia angka na tartaban; jana dijagit Ia do silua somba-somba sian angka jolma, jana dohot sian angka pangalo, anso maringan. halahi rap dohot Tuhan Debata.

HARURUAR 14:24

Marayak andostorang, ditatap Tuhan ma sian tiang api dohot tiang ombun i tu tentara ni Mesir jana dipasarsar Ia ma halahi.

HARURUAR 14:27

Dung i dipahortang si Musa ma tangannia tu ginjang laut i, jana marayak andostorang, mulak ma mardomu aek i songon na somal bagasna. Digogo halak Mesir i ma paluahon dirina, hape diparambungkon Tuhan halahi tu bagasan aek i.

JESAYA 12:6

Suruhon ma sude halak na maringanan di Sion, marsurak jana marende marjop ni roha. Na marmulia situtu do Debata Na Badia ni Israel, maringanan di tonga-tonga ni bangsoNia do Ia.”

JEHESKIEL 43:7

“Ale anak ni jolma, on ma habangsangKu. Dison ma Au giot maringanan di tonga-tonga ni halak Israel jana mamarenta tu halahi salolot-lolotna. Nada be pahodaron ni halahi bope angka raja ni halahi goarKu na Badia i marhite na manyomba gana-ganaan sanga marhite na manguburkon angka raja ni halahi di inganan on.

JEHESKIEL 43:9

Tapi mamungka saonnari angkon antahon ni halahi noma manyomba gana-ganaan dohot na paimbarkon saring-saring ni angka raja ni halahi. Dung i maringanan ma Au di tonga-tonga ni halahi salolot-lolotna.”

JEHESKIEL 47:1

Dioban bayo i muse ma au tu pintu masuk ni Bagas Na Badia i. Huida ma aek mamolus sian toru ni pintu i kehe sabola Habincaran. Mardalan sian toru ni Bagas Na Badia i do aek i sabola Selatan mamolus sian topi sabola Selatan ni langgatan i.

HOSEA 11:9

Nada uhumanKu ho di bagasan rimas ni rohangKu; nada ropukkononKu be Israel. Dibaen Debata do Au, nada jolma. Au Na Badia mandongani ho, jana nada muruhanKu be ho.”

JOEL 2:27

Jadi botoonmunu ma ale Israel, na di tonga-tongamunu do Au, jana Au do Tuhan Debatamunu. Nada adong Debata na asing be, olat ni Au sandiri. Nada pailaon be bangsongKi salolot-lolotna!”

ZEPANYA 3:15

Angke madung mantak Tuhan manguhumi hamu; ma pola dipaorot Ia sude musumunu. Tuhan raja ni Israel maringanan di tonga-tongamunu; nada mabiar be ho maradopkon hasusaan.

ZAKARIA 2:5

Madung dijanjihon Tuhan bahaso na giot Ia sandiri do gabe tembok api humaliang kota i laho mangondingisa jana na giot disi noma Ia di bagasan sude kuaso dohot hagodanganNia.”

ZAKARIA 8:3

Songon on do hata ni Tuhan Na Markuaso i, “Mulak noma Au tu Jerusalem tu kotangKu na badia i, jana maringanan ma Au disi. Tarbarita ma Jerusalem songon kota na tigor jana goaron ma Dolok Ni Tuhan Na Markuaso i, Dolok Na Badia.”

MATEUS 18:20

Angke sanga di dia rap marlagut dua sanga tolu halak di bagasan goarKu, disi do Au rap dohot halahi.

LUKAS 18:8

Hudok ma di hamu! Manigor belaonNia do parkaro ni halahi! Tapi laing adong dope he haporsayaan di portibi on saulahon muda ro Anak Ni Jolma i.”

PANGARATAION 23:14

Jagohon hamu anso tong-tong ias bandarmunu i, dibaen didongani Tuhan Debatamunu do hamu di bandarmunu i laho mangondihon hamu dohot mangalehen hamonangan di hamu maralohon musumunu. Ulang ma baen hamu pangalaho na so tama na mambaen marbalik Tuhan sian hamu.”

HALUMBAAN 2:1

“Tu surusuruan ni parlagutan na di Epesus, songon on ma suratkon: On ma barita sian na maniop bintang na pitu i di tangan siamunNia jana na mardalan pahae-pahulu di holang-kolang ni parlampuan sere na pitu i.