MASMUR 46:3 - BIBEL JAMITA NA DENGGAN

³ Haru pe mangarintiki jana margalumbang laut, jana humutur angka dolok dibaen panondongna.

MASMUR 46:3 ပူးပေါင်းရင်းမြစ်များ

1 RAJA-RAJA 19:11

“Ruar ma ho sian liang i,” ninna Tuhan tusia, “Jana jongjong ma ho adop Au di ginjang ni dolok i.” Jadi mamolus ma Tuhan sian i mardongan alogo na gogo situtu jabat mangkabola angka tor i jana mangkatapor angka dolok batu i, tapi nada dipataridahon Tuhan diriNa di bagasan alogo i. Dung so alogo i, ro ma lalo, tapi nada dipataridahon Tuhan diriNa di bagasan lalo i.

JOB 38:11

Hudok ma tusi, ‘On do batasmu. Ulang salpui be! Mantak dison ma angka ombakmu na gogo pe.’

MASMUR 18:4

Mara hamatean manghaliangi au ombak parmaraan mangaliputi au.

JESAYA 5:3

Jadi saonnari didok donganKi ma, “Hamu sude halak Jerusalem dohot Juda, hamu ma jolo mangadili antara kobun anggurKu dohot Au.

JESAYA 54:10

Muncat pe angka dolok jana humutur dohot tor, tapi holong ni rohangKu nada muncat sian ho, jana janji hadameonKu nada morot sian ho,” ninna Tuhan, na manghaholongi ho.

JEREMIA 4:24

Hutailihon angka dolok na gincat munggal-unggal maradu gogo.

JEREMIA 5:22

Au ma da Tuhan; biasi nada mabiar hamu tu Au? Sapatutna angkon humitir do hamu nian maradopkon Au! Au do da mambaen pante gabe batas ni laut na so hasalpuansa salolot-lolotna. Tarbaen laut i do marombak jana tarbaen galumbang i do mangamuk, tapi nada tarsalpuisa batas i.

MIKA 1:4

Malala do angka dolok di toru ni patNia tudos tu lilin di bagasan api na gara; madencur angka dolok i lalu tu rura, songon aek di tor na marsasak tu lombang.

NAHUM 1:5

Humutur do angka dolok muda ro Tuhan; gabe malala do angka tor di adopanNia. Muda masuk Tuhan, humutur ma portibi, humutur ma tano dohot sude pangisina.

MATEUS 7:25

Haru ro pe udan, magodang dohot aek, ro muse alogo na gogo manondong bagas i, nada ra rumpak bagas i angke di ginjang batu do i dipajongjong.

HALUMBAAN 16:20

Marmagoan ma angka pulo dohot angka dolok pe limpot ma.

HALUMBAAN 17:15

Dung i didok ia ma tu au, “Sude aek i, na niidamu juguhan ni panggampang i, i ma angka bangso dohot halak na bahat, angka marga dohot bahasa.