MASMUR 46:2 - BIBEL JAMITA NA DENGGAN

² Gabe nada mabiar hita, haru pe humutur portibi on, dohot angka dolok marbonoman tu tandolan ni laut.

MASMUR 46:2 ပူးပေါင်းရင်းမြစ်များ

2 SAMUEL 22:3

Tu Debata do au marsilaung jana sonang do au marlindung. Songon parince do Debata manutup au, sonang ma au, dibaen Ia do mangondingi au. Tuhan i do Sipalua di au sian na mangasa gogo gabe malua au.

MASMUR 142:6

Tangihon ma angguk-anggukku mangido partolongan, dibaen bonom do au di bagasan pandelean. Palua ma au sian angka musungku angke gumogo do halahi ulang au.

MASMUR 18:7

Dung i humutur ma tano bope bona ni dolok humutur, harana muruk ni Debata madung gurgur.

MASMUR 23:4

Haru pe mardalan au di dalan na golap nada huhabiari parmaraan, ale Tuhan, angke Ho do mandongani au. Ho do mangondihon au songon parmahan mangondihon biri-birina, mardongan tungkot dohot ora-ora.

MASMUR 27:3

Haru pe dihaliangi parangan na bahat au, nada pola mabiar au. Haru ro pe musu mamorangi, tongtong mararop roha au tu Debatangki.

MASMUR 28:7

Diondihon jana diampini Tuhan do iba, tuSia ma au marpos ni roha. Diurupi jana dipagodang Ia do rohangku, marmoga-moga hupuji ma Ia mardongan ende puji-pujian.

MASMUR 37:39

Dipalua Tuhan do halak na daulat jana diondihon do halahi di hamamasa ni hasusaan.

MASMUR 59:17

Ho do hagogoonku, di Ho ma ende pujianku, angke Ho do Debata, inganan pangungsianku, ale Debata, sai na holong do rohaMu mida au.

MASMUR 62:8

O hamu bangsongku, sai tu Debata ma hamunu mararop roha, usehon ma isi ni rohamu tuSia, angke Ia do inganan parsiholipanta.

MASMUR 62:9

Anggo jolma sangombus hosa do i na godang sanga na menek rap na so mararga do i. Muda nitimbang, tardapot ma halahi na nayang, numayang sian sangombus hosa.

MASMUR 82:5

Nada adong diboto hamu, jana nada diastui hamu, hum hara ni hamu, gabe sego sude aturan ni masarakat.

MASMUR 91:2

tola ma dokkononna tu Tuhan, “Ho noma pangondianku dohot parlindunganku. Debatangku, haposan ni rohangku.”

JEREMIA 14:8

Hum sasada Ho do di Israel pos ni roha, na paluahon hami sian hasusaan. Hape biasi songon halak na asing Ho di tanonami, songon halak na hum saborngin maradian lalu kehe?

NAHUM 1:7

Na denggan do Tuhan i, ditolong Ia do bangsoNia taran marhasusaan, dijagohon Ia do halak na marsihohot tuSia,

MATEUS 21:21

“Satutuna, Hudok ma tu hamu, anggo porsaya do hamu jana inda adong ganggu ni roha, tarbaen hamu do songon na Hubaen i tu bona ni gala-gala i. Inda hum i sajo, salangkan tu dolok an pe tardokkon hamu do, ‘Morot ma ho, ambung ma ho tu laut.’ Tulus do i!

LUKAS 21:33

Anggo langit dohot tano on mago do i, tapi anggo hatangKi indangkon na ra mago.”

IBRANI 13:6

Hara ni i gabe puluk ma hita mandok, “Tuhan do Pangurupi di au, nada mabiar au. Aha ma he na tarbaen jolma tu au lakna?”