MASMUR 46:1 - BIBEL JAMITA NA DENGGAN

¹ Debata do pangondianta dohot gogonta, sai na rade do Ia mangurupi muda ro hasusaan.

MASMUR 46:1 ပူးပေါင်းရင်းမြစ်များ

PAMUNGKAAN 22:14

Dibaen si Abraham ma goar ni inganan i, “Tuhan do paradehon”. Jana lopus saonnari laing didokkon halak do, “Tuhan do paradehon di dolokNia”.

MASMUR 14:6

Digaor halak na jahat i angka sangkap ni halak na pogos, hape jolma na pogos i do na diurupi Tuhan.

MASMUR 142:5

Ale Tuhan, pio-pio au, urupi ma au, Ho do ale Tuhan, pangondingingku. Hum Ho sajo do sasudena na huporluhon di bagasan ngolungku di tano on.

MASMUR 145:18

Donok do Ia tu halak na pio-pio tuSia, tu ganop halak na martangiang sian bulus ni rohana.

MASMUR 42:1

Songon ursa na manghalungunkon batang aek, songon i do tondingku manghalungunkon Ho, ale Debatangku.

MASMUR 46:11

Didongani Tuhan Na Markuaso i do hita, Debata ni si Jakob do mangondihon hita.

MASMUR 46:7

Didongani Tuhan Na Markuaso i do hita, diondihon Debata ni si Jakob do hita.

MASMUR 48:1

Na godang do Tuhan jana na tarpuji situtu di Kota Ni Debatanta, di dolokNia na badia.

MASMUR 66:1

Marsurak-surak ma di Debata, o hamu sude na satano on!

MASMUR 84:1

Sai di hagioti do inganan parmiananMu ale Tuhan Na Markuaso.

MASMUR 85:1

Jop do rohaMu ale Tuhan di tanoMu, madung dipasuang Ho parngoluon ni si Jakob.

MASMUR 87:1

Di ginjang ni dolok na badia adong kota na dipajongjongNia.

MASMUR 9:9

Tuhan do parondingan ni halak na nidondonan, inganan parlojongan di hatiha hasusaan.

PODA 14:26

Muda dipasangap Tuhan jumpang do dame ni roha, jana dongan sabagasna dapotan gogo marpangondian.

PODA 18:10

Songon palas-palas na togu do Tuhan; tusi do maporus halak partigor anso malua.

LUKAS 13:34

O ale Jerusalem, Jerusalem! Dibunu ho do angka panurirang dohot angka na nisuru tu ho, didangguri ho dohot batu! Madung jotjot sai giot paluhutonKu sude halak na mangingani ho songon sada inang ni manuk na manggobak angka anakna di toru ni habongna, hape nada ra hamu!

PANGARATAION 4:7

Anggo angka bangso na asing sanga na bia pe godangna, nada adong debatana na songon i donokna muda dihaporluhon songon donok ni Tuhan Debatanta tu hita. Dialusi Ia do hita sanga na andigan sajo hita pio-pio mangido tolong.

IBRANI 6:18

Dua pangalaho na so ra muba; nada margabus Debata di janji dohot sumpaNia! Hara ni i, hita angka na marlinggom tu Debata, adong do di hita jaminan na togu anso tongtong mararop ni roha tu na nipasingkop di hita di hatiha na giot ro.