MASMUR 45:8 - BIBEL JAMITA NA DENGGAN

⁸ Maradu huskus noma pakean ni raja i songon mur, gaharu dohot cendana. Di bagasan bagas godang na margading sigodang arga, laing marjop ni roha raja i dibaen angka parendena.

MASMUR 45:8 ပူးပေါင်းရင်းမြစ်များ

1 RAJA-RAJA 22:39

Barita na asing salaho tu Raja Ahab, taringot tu bagas godang na sian gading dohot sude kota na nipajongjongnia madung disuratkon di Buku Sejarah Ni Raja-raja Israel.

MASMUR 11:7

Angke tigor do Tuhan, dihalunguni Ia do halak na mambaen hatigoran. Halak na tigor, diida jana ditanda halahi do Tuhan.

MASMUR 150:4

Puji ma Ia mardongan angka tortor dohot tambor, puji ma Ia mardongan suling dohot tulila!

MASMUR 16:11

Dipatidahon Ho do tu au dalan hangoluan; rap dohot Ho mambaen au gok hamogaan dipapuas Ho rohangku salolot ni lolotna.

MASMUR 45:15

Olo da, moga na i antong halahi di na masuk tu bagas godang ni raja i!

ENDE NA GODANG 1:13

Huskus ni haholonganku songon damar, di na nipapodomnia di andorangku.

ENDE NA GODANG 1:3

Muab na huskus situtu do miakmu, songon miak wangi na marserak do goarmu. Hara ni i, holong do roha ni sude bujing-bujing tu ho!

ENDE NA GODANG 3:6

Ise dehe i na ro sian padang-padang an, tarsongon timus na suman tu tiang? Huskusna songon mur dohot dupa, dupa na nigadis ni parboniaga.

ENDE NA GODANG 4:6

Por rohangku maringanan di dolok mur, di rura hamonyan, lopus mangombus alogo manyogot, jana mago hagolapan.

ENDE NA GODANG 5:1

Anggi na huririt, ro do au tu kobunku; huincop asar ni loba dohot aerna; huinum susu dohot anggur; hupalagut angka parmasak dohot anggur. Mangan minum ma, hamu angka dongan sudena, lopus mabuk be hamu di holong ni roha.

ENDE NA GODANG 5:13

Songon jeges ni kobun parmasak na huskus hurumna i, bibirna songon bunga bakung na manetekkon mur na asli.

ENDE NA GODANG 5:5

Jongjong au laho mambuka pintu; use ma mur di tanganku, manetehi sian jari-jaringku, maraek ma sitiopan ni pintu.

AMOS 3:15

RoncohononKu sude angka bagas parangin-anginan di musim ngali dohot musim panas. Marrumpahan ma angka bagas na dipajeges dohot gading; marumpak ma sude bagas na godang.

MATEUS 2:11

Masuk ma halahi tu bara i, diida halahi ma Dakdanak i dohot si Maria inangNia i. Dung i dibuat halahi ma panyimpanan ni silua ni halahi, marsomba ma halahi pasahatkon silua, angka sere, hamonyan dohot miak na huskus.

JOHANNES 14:2

Bahat do inganan di bagas ni Damang. Na giot pasingkop ingananmunu do Au kehe tusi. Pola ma Hudok songon i tu hamu, anggo na so tutu do songon i?

JOHANNES 19:39

Dohot do si Nikodemus, i ma na ro borngin-borngin nabaruon mandapotkon Jesus, rap dohot si Josep. Dioban si Nikodemus ma angka ramu-ramuan mur dohot aloe marborat-borat tolu pulu kilo.

IBRANI 12:2

Tu Jesus ma tatatap, na manogu-nogu hita di bagasan haporsayaan, jana na maroban haporsayaanta i tu hasanggaman. Ditaonkon Ia do mate di hayu parsilang gonti ni jop ni roha na dung diparade diSia, jana juguk do Ia nuaeng di siamun ni habangsa ni Debata.