MASMUR 45:7 - BIBEL JAMITA NA DENGGAN

⁷ Dihaholongi raja i do na tigor jana manghasogohon na jat, hara ni i ma umbaen na raja i ditodo Debata. Dipasuksuk Ia tua di raja i manyalpui angka raja na asing i.

MASMUR 45:7 ပူးပေါင်းရင်းမြစ်များ

1 RAJA-RAJA 19:16

Baen muse ma songon i tu si Jehu anak ni si Nimsi anso gabe raja ni Israel ia dohot tu si Elisa anak ni si Safat na sian Abel Mehola i anso gabe panurirang ia manggontihon ho.

MASMUR 101:8

Sian ari tu ari sai hupusai sandok halak na jahat di luat on. Sude halak na mambaen hajahatan, pangabisonku ma i sian Kota Ni Tuhan.

MASMUR 11:7

Angke tigor do Tuhan, dihalunguni Ia do halak na mambaen hatigoran. Halak na tigor, diida jana ditanda halahi do Tuhan.

MASMUR 2:2

Angka parkuaso pe rap burangkit mangalo Tuhan dohot raja na nipiliNia.

MASMUR 21:6

Sai didongani pasupasuMi do ia ro di salolotna. HaroroMu mambaen ia gok jop ni roha.

MASMUR 33:5

Dihaholongi Ia do hasintongan dohot hatigoran, gok holong ni rohaNia na manongtong i do sude portibi.

MASMUR 89:20

Madung Hupadumpangkon si Daud, naposongKu, Hupabangkit ia marhite miakKu.

MASMUR 89:26

Dokkononnia ma tu au, ‘Ho do Damang jana Debatangku, Ho do pangondianku dohot sipalua au.’

MASMUR 99:4

Raja na marsahala, dihaholongi Ho do na tutu, madung dihajongjongkon Ho do hatutuan. Uhum dohot hatigoran didalankon Ho di tonga-tonga ni pomparan ni si Jakob.

JESAYA 11:4

Markite-hite hatigoran do ditimbang ia parkaro ni halak na pogos; diondihon ia hak ni halak na gale lopus dapot, halak parsala diuhumi hara ni parentania, halak na jahat dipusa ia.

JESAYA 9:6

Madung sorang di hita sada dakdanak; dibasa-basahon di hita sada anak. Ia ma na gabe pamimpinta. Digoari do Ia: “Panuturi Na Marroha”, “Debata Parkuaso”, “Ama Salolot ni lolotna”, “Raja Ni Hadameon”.

HAMALIMON 8:12

Dung salpu i diojakkon ia ma si Harun marhite na mangusehon miak upacara i saotik tu ginjang ulu ni si Harun.

MATEUS 3:15

Tapi dialusi Jesus ma, “Padiar ma songon i! Harana patut do oloanta sude aturan na nihalomohon ni Debata.” Jadi dididihon si Johannes ma Jesus.

MATEUS 7:23

Tapi anggo alusKu songon on ma, ‘Nada Hutanda hamu! Morot ma hamu sian Au, angka na jahat do hamu!’ ”

LUKAS 13:27

Tapi ulahan ni Tuan i ma mandok, ‘Nada Huboto sanga na sian dia hamu. Kehe ma hamu sian on, sude hamu na mambaen hajahatan!’

LUKAS 3:22

jadi mijur ma Tondi Parbadia tuSia songon darapati. Dung i tarbege ma sora sian banua ginjang na mandok, “Ho do Anak haholonganKu. Jop do rohangKu mida Ho.”

JOHANNES 1:16

Angke sian hagogokNia, nada mar na mantak Ia, mamasumasu tu hita sudena.

JOHANNES 20:17

Didok Jesus ma tu si Maria, “Ulang jama Au jolo, harana nada podo manaek Au tu Damang. Kehe ma ho mandapotkon angka kahanggingKu jana paboa ma tu halahi, ‘Manaek ma Au tu Damang, i ma Amangmunu muse; tu DebatangKu, i ma Debatamunu muse.’ ”

JOHANNES 3:34

Sanga ise na nisuru ni Debata, barita sian Debata do dioban Ia, harana madung dilehen Debata TondiNia i, nada hasuhatan bahatna.

BAENON NI ANGKA RASUL 2:28

Madung dipatidahon Ho tu au dalan tu hangoluan na so mantak i. Dilehen Ho do di au gok jop ni roha di adopanMu.’

SURAT NI SI PAULUS TU PARLAGUTAN ROM 8:29

Angka na nipiliNia, madung ditontuhon muse do halahi sian mulana anso sarupa songon tiruan ni AnakNia, anso Anak i ma gabe siangkaan ni bahat kahanggi.

EPESUS 1:3

Pinuji ma Debata, Ama ni Tuhanta Jesus Kristus! Dipasupasu Ia do hita dohot sude ragam-ragam ni pasupasu partondion sian banua ginjang, hara ni na dung mardomu i hita dohot Kristus.

IBRANI 1:9

Hatigoran do giot ni rohaMu jana magigi do Ho di na sala; i ma dalanna umbaen na nipili ni Debata Ho, i ma DebataMu jana dipasonang rohaMu dohot hasangapan na sumurung sian angka donganMu.”

IBRANI 2:14

Angke anggo angka halak na nidokNia i dakdanakNia, i ma angka mudar dohot sibuk, gabe sarupa ma Jesus sandiri dohot halahi jana mangolu songon pangalaho ni jolma sarupa dohot halahi. Songon i pe pambaenNia, anso ditaluhon Ia do Sibolis i na maniop kuaso ni hamatean i.

IBRANI 7:26

Jadi Jesus i do Malim Godang na porlu di hita. Na badia do Ia; nada adong dapot disi hasalaan sanga dosa aha pe. Madung disirang Ia sian angka jolma pardosa jana dipanaek lopus tu inganan na gumincat sian langit.

HALUMBAAN 21:27

Tapi sanga ise halak na mangkarejohon angka pangalaho sihailahononkon, dohot angka pargabus, nada dipatola masuk tu bagasan – pendekna sandok na hodar, nada tola dioban masuk tu bagasan. Anggo na dipatola masuk tu bagasan, hum angka halak na tarsurat do goarna di bagasan buku hangoluan ni Anak Ni Biri-biri i.

1 SAMUEL 16:13

Manigor dibuat si Samuel ma miak zetun jana dimiahi ia ma si Daud gabe raja di jolo ni angka angkangnia i. Laing di hatiha i manigor digohi Tondi Ni Tuhan ma si Daud. Mamungka sian ari i dohot tu ari na mangihut sai didongani Tondi Ni Tuhan ma ia. Dung i mulak ma si Samuel tu Rama.