MASMUR 45:6 - BIBEL JAMITA NA DENGGAN

⁶ Markite-hite uhum diparenta raja i rayat, hot do habangsa harajaan na nipasahat ni Debata.

MASMUR 45:6 ပူးပေါင်းရင်းမြစ်များ

2 SAMUEL 23:4

Songon mataniari bincar ia di andostorang di na mamungka langit marrara. Songon sondang ni mataniari do ia dung abis udan, mambaen duhut na mangarata marsilo-siloan.”

MASMUR 145:13

Hot do harajaanMu sapanjangna, ro di salolot-lolotna do martahan kuasoMu. O Tuhan, setia do Ho di sude janjiMu, na denggan ma da tutu sude pambaenanMu.

MASMUR 89:29

Salolot adong langit di ginjang tano martahan do habangsania, jana pomparanna sandiri manjuguhisa.

MASMUR 93:2

Sian mulana do habangsaMu tohong, sian na manongtong do Ho adong.

MASMUR 98:9

Angke na ro do Ia laho manguhumi tano on; marhite hatigoran diadili Ia angka bangso.

DANIEL 2:44

Di hatiha ni angka raja-raja i mamarenta, giot pajongjongon ni Debata na di banua ginjang i ma sada harajaan na manongtong sapanjangna jana na so tartaluhon bangso dia pe. Roncohonon ni harajaan na sada i ma sandok harajaan na asing i tapi harajaan na sada i, manongtong do ro di salolot ni lolotna.

BILANGAN 24:8

Sian Mesir dioban Debata halahi ruar, marporang halahi songon lombu na riar. Musu ni halahi sude dibondut, holi-holina pe diropuk, sior ni halahi pe digepu-gepu.

JOHANNES 1:1

Di mulana i, madung adong Hata i. Rap dohot Debata do Hata i jana Debata do Hata i.

PANGARATAION 32:42

Margulu podangKu sap mudar ni halahi hona bunu ni podangKu sude na mangalo i. Nada paluaonKu hosa ni alo-alongki mate muse do na margasa dohot na tartaban i.

1 TIMOTEUS 3:16

Sada halak pe nada tarbaen mansoadahon sanga na bia godang ni rahasia ni ugamonta: Dipataridahon Ia do diriNia gabe jolma, jana dipatigor di bagasan Tondi, na patidahon diriNia tu angka surusuruan. Dipatubegehon do baritaNa di tonga-tonga ni angka bangso, jana sihaposan do Ia di tano on. Saonnari madung nipanaek Ia tu banua ginjang.

HALUMBAAN 19:11

Dung i huida ma mungkap banua ginjang, haruar ma sada kudo na bontar, jana na juguk di ginjangna i margoar, “Na Setia dohot Na Sintong,” jana markite-hite hatigoran do Ia manguhumi dohot marporang.