MASMUR 45:3 - BIBEL JAMITA NA DENGGAN

³ Solotkon bo podang di gonting, o raja ulubalang, na tongam ma da raja i jana marmulia!

MASMUR 45:3 ပူးပေါင်းရင်းမြစ်များ

JOB 1:16

Mangkobari dope ia, ro muse ma hatoban na paduahon mandok, “Ma disoro ronggur angka biri-biri ni tuan i, dohot angka parmahanna, mate sude. Hum sasada au ma i na malua anso laing adong na paboahon tu tuan i.”

MASMUR 104:1

Puji ma Tuhan, ale tondingku! Na godang situtu do Ho, ale Tuhan Debatangku! Marpakean hasangapan dohot hatongamon do Ho,

MASMUR 145:12

Jadi botoon ni halak ma sudena karejoMu na sangap i, dohot harajaan na godang jana na jeges i.

MASMUR 145:5

Pabotohonon ni halahi ma hagodanganMu na marmulia i, giot endehononku do pambaenanMu na pahomangkon i.

MASMUR 21:5

Hara ni pangurupiMu mambaen tangkas ia tarida, dibaen Ho goarnia marmulia jana tarbarita.

MASMUR 21:7

Mararop roha tu Tuhan i do raja i, sai sonang do ia, angke tongtong do ia dihaholongi Tuhan Na Markuaso i.

MASMUR 96:6

Hasangapan dohot hamuliaan manggohi Ia, kuaso dohot hajagaron manggohi BagasNia.

ENDE NA GODANG 2:3

Sian tonga-tonga ni halaklahi, tarsongon bona ni sipanganon di harangan do haholonganki. Jop rohangku marsilaung di toruna i, angka batuna pe antong daina tonggi.

ENDE NA GODANG 5:13

Songon jeges ni kobun parmasak na huskus hurumna i, bibirna songon bunga bakung na manetekkon mur na asli.

JESAYA 49:2

Pamanganku dibaen Ia songon tajom ni podang, tanganNia mangalehen di au parlindungan. Dibaen do au songon anak ni pana, nisimpan di tabung jana marlinang tajomna.

BAENON NI ANGKA RASUL 10:36

Hamu ale angka dongan, tontu madung diboto hamu isi ni jamita na nipabolkas ni Debata tu halak Israel. Jamita Na Denggan do barita i na paboahon dame markite-hite Jesus Kristus, i ma Tuhan ni sude jolma.

SURAT NI SI PAULUS TU PARLAGUTAN ROM 14:9

Madung mate Kristus, jana mulak mangolu. Hara ni i ma umbaen na gabe Tuhan Ia di halak na mangolu dohot muse di angka na dung mate.

IBRANI 1:3

Ia do sinondang hasangapan ni Debata, jana Ia do gambaran ni Debata sandiri dohot na mangasahon sasude markite-hite hataNia na gok kuaso. Dung sidung dipaias Ia jolma sian angka dosa ni halahi, juguk ma Ia di siamun ni Na Sun Margogo i di banua ginjang.

IBRANI 4:12

Hata na mangolu jana na margogo do hata ni Debata; tumajom dope i sian podang sidua baba. Disirang ia do tondi dohot hosa, utok-utok dohot holi-holi, jana markuaso do i manguhumi pikiran dohot parrohahon ni ate-ate.

IBRANI 8:1

Impola ni sude na tahatai on, songon on ma: Adong do di hita Malim Godang na songon i, na juguk di siamun ni habangsa ni Debata Na Gumodang i di banua ginjang.

JUDAS 1:25

Di Debata na sasada i, Sipalua hita markite-hite Jesus Kristus, Tuhanta i, diSia ma hasangapan, hagodangan, hagogoan dohot kuaso sian mula ni mulana, saonnari ro di salolot ni lolotna! Amen.

HALUMBAAN 1:16

Ditiop tangan siamunna i ma pitu bintang jana ruar ma sada podang na tajom sidua baba sian pamanganNa i. BohiNa i torang songon sinondang ni mataniari di hatiha hamilasanna.

HALUMBAAN 19:15

Ruar ma sian pamanganNia i sada podang na tajom, jana podang i ma baenonNia manaluhon angka bangso jana parentaonNia ma halahi dohot tungkot bosi. PoroonNia ma anggur di panggilingan ni anggur haririmas ni Debata Parkuaso Na Sumurung i.

HALUMBAAN 19:21

Jana hona bunu ma angka na asing na tinggal dope dibaen podang na ruar sian pamangan ni na Manengget kudo na bontar i. Jadi marroan ma angka unggas, dipapangani ma juhut ni halahi na hona bunu i.

HAKIM-HAKIM 3:16

Sanoli dibaen si Ehud ma sada podang disia. Sidua baba do podang i, jana ginjangna mardonok do satonga meter. Disandangkon si Ehud ma podang i di siamunnia di bagasan bajunia i