MASMUR 45:17 - BIBEL JAMITA NA DENGGAN

¹⁷ Endehononkon ma jana pabonggalkonon ma goar ni raja i, jana salolot-lolotna ma angka bangso mamuji raja i.

MASMUR 45:17 ပူးပေါင်းရင်းမြစ်များ

MASMUR 138:4

Pujion ni sude raja na satano on do Ho, ale Tuhan, angke madung habegean janjiMu tu halahi.

ENDE NA GODANG 6:9

Songon darapati jogi ni rupana, anak sisada-sada hasian ni inana. Tarpandang do ia jana dadaboru mamujisa, salang namora ni raja dohot radingna dohot marhajopkon ia.

JESAYA 59:21

BaenonKu ma parjanjian dohot hamu: LehenonKu kuaso dohot pangajaranKu tu hamu. Ingot jana patulus hamu ma angka pangajaranKi jana ajarkon hamu ma i tu angka dakdanakmunu dohot tu pomparanmunu, anso laing dohot halahi marningot dohot patuluskonsa.”

JESAYA 61:9

Tarbarita angka pomparan ni halahi sun tu dia, tarbonggal di tonga-tonga ni sandok bangso. Jadi sude ma halak marhatutuhon, na Hupasupasu do bangso on.”

JESAYA 62:3

Songon tuku na jeges sun do ho di Tuhan, tuku harajaan di tangan ni Debatamu.

MALEAKI 1:11

Dipasangap angka bangso na di tano on do Au sudena. Sanga na di dia ditutung halahi do dupa laho pasangapkon Au jana dihaulkon halahi do angka haul na patut tu Au. Olo! sude do halahi pasangapkon Au!”

MATEUS 26:13

Ingot hamu ma! Sanga na di dia di tano on dipararat Jamita Na Denggan na sian Debata i, angkon dicaritohon muse ma pambaenan ni anak boru on baen parningotan tusia.”

1 KORINTUS 11:26

Angke sanga na piga noli dipangan hamu roti on jana diinum hamu anggur on, jamitahononmunu ma hamamate ni Tuhan i lopus ro Ia.