MASMUR 44:9 - BIBEL JAMITA NA DENGGAN

⁹ Hape saonnari ditadingkon Ho do hami, dipadiar Ho hami ditaluhon halahi. Nada be Ho maju rap dohot hami.

MASMUR 44:9 ပူးပေါင်းရင်းမြစ်များ

MASMUR 108:11

Na so dohot do Ho ale Debata rap dohot hami? Na so dohot do Ho maju rap dohot hami?

MASMUR 43:2

Ho do Debata, pangondianku; biasi he tadingkononMu au? Biasi angkon laing torus au manaon hara ni panyosak ni angka musungku?

MASMUR 60:1

Di bagasan hamumurukMu diponggol Ho do partahanannami, jana nada ra Ho ale Debata rap dohot hami. Tapi anggo saonnari, mulak ma Ho tu hami.

MASMUR 60:10

Ale Debata, situtu ni rohaMu do nada rap dohot hami? Nada he maju Ho rap dohot tentaranami i?

MASMUR 74:1

Ale Debata, salolot-lolotna dehe tadingkononMu hami? Biasi torus muruk Ho tu bangsoMu sandiri?

MASMUR 88:14

Ale Tuhan, biasi ditulak Ho au jana dipapeol Ho bohimu sian au?

JEREMIA 9:23

Didok Tuhan ma, “Nada pola manggodang na pistar hara ni hapistaranna, halak na gogo hara ni hagogoanna, dohot halak na kayo hara ni sinadonganna.

JEREMIA 9:24

Sanga ise na giot manggodang hara ni bagi aha, manggodang ma hara ni na nitandana Au; jana diboto angka sangkapKu. Dibotosa do na so marujung holong ni rohangKu jana bonar boti tigor pambaenanKu. Sudena do i pajop rohangKu. Au do Tuhan na mandok i sudena.”