MASMUR 44:2 - BIBEL JAMITA NA DENGGAN

² Ho sandiri do paorotkon angka bangso anso hot bangsoMi di tano ni halahi. Diago Ho do angka bangso na asing i, hape anggo bangsoMi dipadiar Ho do mamopari.

MASMUR 44:2 ပူးပေါင်းရင်းမြစ်များ

2 SAMUEL 23:12

Hape anggo si Sama torus do ia mangalo, dimatehon jana ditaluhon ia halak Pilistin i, gabe laing dipartahankon ia ladang i. Songon i ma dibaen Tuhan mangalehen hamonangan na godang i.

2 SAMUEL 7:10

Boti muse, madung Huparade inganan di bangsongKu Israel jana Husuru halahi maringanan na hot disi, anso tarbaen halahi mangolu di bagasan sonang, nada adong na tarhapit.

MASMUR 105:44

Dilehen Ia di halahi tano ni angka bangso, suha ni haloloja ni halak gabe bangsoNia do nampunasa,

MASMUR 78:55

Di jolo ni bangsoNia i dipaorot Ia halak na disi humani lalu dibagi-bagihon Ia luat i tu sude marga ni Israel, bangsoNia i, lopus taringani halahi undung-undung ni musu ni halahi.

HARURUAR 10:2

anso tarcaritohon ho i tu anakmu dohot tu pahompumu sanga songon dia Hubaen marmayam-mayamkon bangso Mesir marhite hahomangan na dung Hubaen di tonga-tonga ni halak i. Sude ma hamu mambotosa, bahaso Au do Tuhan.”

HARURUAR 15:17

Ho do pataruhon halahi masuk, jana pahotkon halahi di ginjang ni dolokMu, inganan na nitodoMu gabe inganan parmiananMu; bagas na nipajongjongMu.

HARURUAR 15:19

Di na nitariparan ni halak Israel laut i, mardalan di tano na mahiang do halahi. Tapi dung masuk angka kareta ni halak Mesir bope kudo dohot na manjuguhisa tu laut i, dipadalan Tuhan ma mulak aek i, gabe bonom halahi.

HARURUAR 23:28

PasarsaronKu ma angka musumunu jana paorotonKu halak Hewi, halak Kanaan dohot halak Het anso tarbaen hamu torus maju.

HARURUAR 34:11

Tapi anggo ho angkon marsitiopan tu na Huparentahon tu ho sadari on. Ligi ma angkon Huayak halak Amori sian jolomu, songon i halak Kanaan, halak Het, halak Peris, halak Hewi dohot halak Jebus.

JESAYA 51:9

Jonggor ma, jonggor ma! Pakehon ma hagogoan ale tangan ni Tuhan! jonggor ma songon di hatiha na robi di hatiha pomparan na jolo! Nada he Ho do na mangaropukkon si Rahab na maniham naga i lopus mate?

JEREMIA 32:23

Tapi di na ro halahi tu luat on lalu mangarampassa, nada marpangoloion halahi tu angka parentaMu, jana nada mangihutkon pangajaranMu parngoluon ni halahi; sude na niparentahonMu tu halahi sada pe nada adong didalankon halahi. Hara ni i, gabe diparo Ho ma sude parmaraan on tu halahi.

BILANGAN 13:32

Dipardokkon angka mata-mata i ma hata gabus di tonga-tonga ni halak Israel taringot tu luat na dung dibolus halahi i. Ning halahi ma, “Nada sadia suha ni luat i, hum di halahi na di luat i pe nada tuk. Angka jolma na hami ida disi halak na ginjang-ginjang situtu.

PANGARATAION 32:7

Ingot ma ari na salpu, hatiha najoloan, barita di parningotan laing tarsimpan, sapai angka amantamunu, sude angka na masa na salpu, sapai ma angka hatobangonmunu, anso dipaboa tu hamu angka na masa na salpu.

PANGARATAION 4:38

Di jolomunu, diusir Ia angka bangso na gumodang boti na gumogo sian hamu, laho pataruhon hamu tu tano ni halahi na giot silehenon ni Debata tu hamu, i ma luat na gabe hamu puna saonnari.

PANGARATAION 7:1

“Giot obanon ni Tuhan Debatamu ma ho tu tano siingananmu jana paorotonNia ma bahat bangso sian i. Di jolo ni matamu ayahonNia ma pitu bangso na gumodang jana na gumogo sian ho: Halak Het, Girgasi, Amori, Kanaan, Peris, Hewi dohot Jebus.

JOSUA 10:11

Jadi taran na maporus i halak Amori sian jolo ni tentara Israel, didabuhon Tuhan ma ambolas na godang-godang sian langit tu ginjang ni halahi salolot di dalan i lalu tu Aseka. Umbahat dope na mate dibaen ambolas i sian na hona bunu ni halak Israel.

JOSUA 10:42

Di bagasan sada parporangan sajo, madung talu sude raja-raja i dohot luat na nigomgoman ni halahi dibaen si Josua, angke Tuhan Debata ni Israel do marporang di Israel.

JOSUA 11:23

Dirampas si Josua ma sude luat i songon na dung diparentahon ni Tuhan tu si Musa. Dung i dilehen ia ma luat i jana dibagi-bagihon tu bangso Israel gabe halahi puna; sabagian be ma ganop marga. Mantak muse ma bangso Israel na marporang i.

JOSUA 21:43

Songon i ma dilehen Tuhan tu halak Israel sude tano na dung DijanjihonNia i mardongan sumpa tu ompu na umpompar halahi. Dung dibuat tano i, maringanan ma halak Israel disi.

JOSUA 24:12

Dompak na maju hamu mangaroro halahi, bingung halahi Hubaen jana mabiar, jabat maporus raja ni Amori sidua halak i sian hamu. Nada podangmunu jana nada panahmunu mambaen hamu monang.

JOSUA 3:10

Jadi muda mardalan hamu naron, pasti do paoroton ni Tuhan angka halak Kanaan, Het, Hewi, Peris, Girgasi, Amori dohot halak Jebus. Idaonmunu ma bahaso na di tonga-tongamunu do Debata na mangolu i,

HAKIM-HAKIM 6:13

“Tola dehe au marsapa Tuan? ning si Gideon mangalusi. Muda tutu Tuhan mandongani hami, antong biasi didondoni angka pangalaho on hami? Di dia do sandok hahomangan na jungada dibaen Tuhan najolo i jana na nicaritohon ni angka ompu na umpompar hami sanga songon dia pangharuarkon ni Tuhan di halahi sian Mesir? Saonnari madung ditadingkon Tuhan hami jana dipadiar Ia hami dirajai angka halak Midian.”