MASMUR 43:2 - BIBEL JAMITA NA DENGGAN

² Ho do Debata, pangondianku; biasi he tadingkononMu au? Biasi angkon laing torus au manaon hara ni panyosak ni angka musungku?

MASMUR 43:2 ပူးပေါင်းရင်းမြစ်များ

1 JUJUR TAON 28:9

Jadi tu si Salomo, didok si Daud ma, “Amang, Debata na nisomba ni amangmu ma oku gabe Debatamu. Angkon oloanmu do Ia sian sonang dohot ias ni rohamu. Harana diboto Ia do sude pikiran dohot pos ni rohanta. Muda dijalahi ho Ia, gabe padumpang ma dohot Ia, tapi muda ditadingkon ho, tulakkononNia noma ho salolot-lolotna.

MASMUR 140:7

Ho do Debata, Tuhanku, sipaluangku na gogo, na dung mangondingi au di bagasan parporangan.

MASMUR 28:7

Diondihon jana diampini Tuhan do iba, tuSia ma au marpos ni roha. Diurupi jana dipagodang Ia do rohangku, marmoga-moga hupuji ma Ia mardongan ende puji-pujian.

MASMUR 31:4

Padao ma au sian jorgong na nitaon tu iba, linggomi ma au sian mara.

MASMUR 42:10

Magopu rohangku hara ni pangincahi ni musu i. Sai torus do sapa-sapa halahi, “Di dia ma he Debatami?”

MASMUR 42:9

Hudok ma tu Debata, na mangondihon au, “Biasi dihalupahon Ho au? Biasi angkon laing manaon parkancitan au, hara ni panyosak ni angka musungku?”

MASMUR 44:9

Hape saonnari ditadingkon Ho do hami, dipadiar Ho hami ditaluhon halahi. Nada be Ho maju rap dohot hami.

MASMUR 71:9

Ulang ma ambungkon au di ari ni hatotobangku ulang tadingkon au muda dung abis gogongku,

MASMUR 77:7

“Salolotna noma he ulaning tulakkonon ni Tuhan hami? Na so sonang be he ulaning rohaNia mida hami?

MASMUR 88:15

Sian na menek do au marhancit jana dirohai hamatean, abis gogo do au manaonkon uhumanMu.

MASMUR 94:14

Angke nada ra Tuhan i mangambungkon bangsoNa, jana nada tadingkononNia nampunaNia sandiri.

HARURUAR 15:2

Tuhan do na gogo mangondihon au sasadaSa do na dung paluahon au. Ia do Debatangku, pujionku ma Ia, Debata ni daompung, huendehon ma hagodanganNa.

JESAYA 40:31

Hape anggo di na mangido pangurupion sian Tuhan, dipasuang do hagogoan. Lopus tu ginjang manaek do halahi, songon na marhabongkon habong ni rajawali. Marlojongi do halahi so marnaloja, jana mardalan halahi nada ra gale.

JESAYA 45:24

Dokkonon ni halak ma, ‘Hum di Tuhan dapot hagogoan dohot hamonangan!’ Tapi manjagit hahaila ma sude na margoyak ni roha mida Ia.

ZAKARIA 10:12

PargogoanKu ma bangsongKu, oloanna jana marsomba ma halahi tu Au. Au Tuhan, mandok songon i.”

EPESUS 6:10

Ujungna, sai margogo ma hamu markite-hite gogo na nijagitmunu sian kuaso ni Tuhan, angke madung sada hamu dohot Tuhan i.

PILIPPI 4:13

Markite-hite kuaso na nilehen ni Kristus i tu au, taradopi au do sude ragam-ragam ni angka na masa.