MASMUR 42:9 - BIBEL JAMITA NA DENGGAN

⁹ Hudok ma tu Debata, na mangondihon au, “Biasi dihalupahon Ho au? Biasi angkon laing manaon parkancitan au, hara ni panyosak ni angka musungku?”

MASMUR 42:9 ပူးပေါင်းရင်းမြစ်များ

MASMUR 13:1

Lopus andigan ale Tuhan? Ro di salolotna do halupahononMu au, jana monjap sian au?

MASMUR 18:2

Tuhan do parondinganku, benteng na togu di au. Tu Debata do au marsilaung, gabe sonang au marlindung. Songon parince digupgupi Ia au, dijago Ia au tongtong anso sai sonang au.

MASMUR 28:1

Sai pio-pio tu Ho do au ale Tuhan pangondianku, sai tangihon ma pangidoanku! Muda sai hohom Ho sai songon halak na manuat tu tanoman do au.

MASMUR 38:6

Puhung au, magete ate-atengku, sasadari sai marsak jana susa rohangku.

MASMUR 43:2

Ho do Debata, pangondianku; biasi he tadingkononMu au? Biasi angkon laing torus au manaon hara ni panyosak ni angka musungku?

MASMUR 55:3

Lebak do au hara ni pangondam ni musu dibaen panyosak ni halak na jahat, angke disusai halahi do ngolungku, jana panyogo-nyogoon do halahi mamusui au.

MASMUR 62:2

Hum Ia do na mangondihon dohot na paluahon au, Ia do mambela au, nada taluhonon be au.

MASMUR 77:9

Na dung lupa dehe Debata laho mangkaholongi hami? Adong he na muruk Ia, gabe nada marholong ni roha be?”

MASMUR 78:35

Diingot halahi ma, Debata do pangondian di halahi jana Debata Na Gumincat i do na palua halahi.

MASMUR 88:9

Rambon matangku hara ni na marsitaonon ganop ari au pio-pio tu Ho, ale Tuhan jana martangiang pahirtang tangan.

MASMUR 92:3

lalu mamiltik gitar sisampulu tali, didongani gambus dohot hasapi.

PARJAMITA 4:1

Dung i huparrohahon muse ma sada hageduhan na masa di tano on. Martangisan angka halak na hona sosak jana nada adong na ra mangurupi halahi. Umpe sahalak na ra mangurupi, harana godang do kuaso ni angka na manyosak i.

JESAYA 40:27

Antong ale Israel, biasi sai humolos, sai songon na so diboto Tuhan ho na susa? Sai songon na so parduli Ia, muda manaon na so tigor ho?

JESAYA 49:15

Dialusi Tuhan, ning Ia ma, “Adong ma he lupa sada ina, di anak na nitubuhonna? Dohonon ma he na so holong rohania di anaknia sandiri? Haru pe sugari lupa ina di dakdanakna tapi Au Tuhan, tu hamu nada ra lupa.