MASMUR 42:8 - BIBEL JAMITA NA DENGGAN

⁸ Sai dipatuduhon Tuhan ma nian holong ni rohaNa na mamanjang di hatiha torang ni ari, anso tarbaen au marende di bornginna i, jana martangiang tu Debata haroroan ni ngolungki.

MASMUR 42:8 ပူးပေါင်းရင်းမြစ်များ

2 SAMUEL 22:5

Dihaliangi gogo ni hamatean au, galumbang ni parmaraan mangalingkup au.

JOB 35:10

Tapi nada tu Debata na manompasa na mangalehen arop ni roha di na ro hasusaannia.

MASMUR 124:4

Pasti diayupkon aek magodang hian hita, jana dibonom aek.

MASMUR 133:3

Sanga songon ombun di Dolok Hermon, na mijur tu angka Dolok Sion. Disi ma janjihonon ni Tuhan pasupasuNa, i ma hangoluan na salolot-lolotna.

MASMUR 149:5

Marjop ni roha ma da bangso ni Debata hara ni na monang, jana marende marmoga-moga sasaborngin.

MASMUR 16:7

Pujionku ma Tuhan na mangajari au, di tonga borngin pe rohangku parbagasan i paingot au.

MASMUR 27:1

Tuhan do hatiuran ni ngolungku dohot sipalua au, nada adong habiaranku. Tuhan do benteng parondinganku, nada pola humitir au.

MASMUR 32:7

Ho do inganan parsimonjapanku, diondingi Ho do iba sian mara. Gabe marsurak ma au hara ni moga ni roha, dibaen dipalua Ho do antong iba.

MASMUR 44:4

Ho do Debatangku dohot Rajangku, na mangalehen hamonangan di si Jakob.

MASMUR 57:3

Dipalua jana dialusi Ia au sian banua ginjang; ditaluhon Ia angka halak na manyosak au. Patuduhonon ni Debata do paboa na denggan rohaNia tu au, jana na sai manghaholongi au.

MASMUR 63:6

Di na payak au di podoman, huingot do tu Ho; sasaborngin sai huhalungunkon do Ho,

MASMUR 77:6

Bornginna i marpikir-pikir ma au jana sapa-sapa di bagasan rohangku,

MASMUR 88:8

Dipadao Ho angka sitandaanku sian au dibaen Ho au di halahi gabe sihagigian, dihobuk au nada tarbaen luncat.

JESAYA 30:29

Tapi anggo hamu, marjop ni roha jana marendei ma hamu songon na masa di borngin ni pesta ugamo. Marmoga-moga ma hamu songon halak na ribur mardalan didongani sora ni suling laho manaek tu dolok ni Tuhan, na mangondihon Israel.

HAMALIMON 25:21

Di taon paonomkon pasupasuon ni Tuhan ma tano i gabe tuk panganon tolu taon suhana i.

JUNUS 2:4

Hudok ma di bagasan rohangku: Na hona usir ni Tuhan do au sian joloNia. Indangkon na idaonku be i inganan parmiananNia na badia i.

MATEUS 8:8

“Inda pola ale Tuan,” ninna tentara na pangkat i, “Mabiletu do au manjagit Tuan i di bagasku, hum sahata sajo pe dokkon, manigor malum ma nyae ni naposongki.

BAENON NI ANGKA RASUL 16:25

Hira-hira tonga borngin, martangiang ma si Paulus dohot si Silas, angka marende bage halahi mamuji Debata. Dibege angka halak na tarhurung na asing i do halahi na marende i.

PANGARATAION 28:8

Pasupasuon ni Tuhan ma karejomunu jana gohanna angka talobatmunu dohot gandum. PasupasuonNia ma ho di tano na giot silehenonNia di ho.

KOLOSSE 3:3

Angke madung mate hamu, jana buni do ngolumunu rap dohot Kristus di bagasan Debata.