MASMUR 42:6 - BIBEL JAMITA NA DENGGAN

^6-7 Magopu ate-atengku di tano habuangan on, hara ni i taringot rohangku tu Ho. Mayup-ayup tondingku di bagasan galumbang ni arsak, songon aek magodang hagaoron manondong iba, songon parhusasak ni sampuran ni Batang aek Jordan, sian Dolok Hermon dohot Dolok Misar.

MASMUR 42:6 ပူးပေါင်းရင်းမြစ်များ

2 SAMUEL 17:22

Taripar ma si Daud dohot parangannia i di Batang aek Jordan i jana lalu ma halahi di bariba, andostorang.

2 SAMUEL 17:27

Di na lalu si Daud di Mahanaim, dialo-alo si Sobi anak ni si Nahas na sian kota Raba na di Amon ma ia, dohot si Makir anak ni si Amiel na sian Lodebar, dohot si Barsilai na sian Rogelim na di Gilead.

MASMUR 133:3

Sanga songon ombun di Dolok Hermon, na mijur tu angka Dolok Sion. Disi ma janjihonon ni Tuhan pasupasuNa, i ma hangoluan na salolot-lolotna.

MASMUR 22:1

Debatangku, Debatangku, biasi ditinggalkon Ho au? Pio-pio au, hape tongtong Ho dao, pangurupiMu nada jungada ro.

MASMUR 43:4

Jadi dapotkononku ma langgatanMu ale Debata, Ho sajo ma i mual ni hatuaanku. Marende ma au jana mamiltik hasapi, papuji-puji Ho, ale Debatangku, ale Debatangku.

MASMUR 43:5

Biasi marsak jana susa ho rohangku? Mararop ni roha tu Debata noma au jana mandok tarimakasi tuSia, tu Debatangku jana Sipalua di au.

MASMUR 61:2

Di na mandele au, dao sian bagas, mangguk-angguk do au tu adopanMu. Taruhon ma au tu pangungsian na sonang,

JUNUS 2:7

Hatiha gale au, tarsingot ma au tu Tuhan jana lalu ma tangiangku tu Ho tu BagasMu na badia i.

MATEUS 26:39

Dung i kehe ma Jesus tar dumao saotik, tungkap ma Ia tu tano laho martangiang, “O Amang,” ning Ia, “Anggo tarbaen do, padao ma sian Au parkancitan na angkon jagitonKu. Tapi ulang ma hagiotKu na tulus, baen ma songon na dihagiotiMu.”

MATEUS 27:46

Dung pukul tolu andospotang, gogo ma sora ni Jesus ning Ia ma, “Eli, Eli, lama sabakhtani?” astuanna, “O, DebatangKu, DebatangKu, biasi ditinggalkon Ho Au?”