MASMUR 42:4 - BIBEL JAMITA NA DENGGAN

⁴ Malala ate-atengku muda huingot hatiha na salpu, di na mardalan tu Bagas Ni Debata rap dohot halak na bahat au. Mardalan di jolo ni barisan i ma au, mardongan surak-surak dohot ende pamujian.

MASMUR 42:4 ပူးပေါင်းရင်းမြစ်များ

2 RAJA-RAJA 18:30

Ulang patangi-tangi hamu pangelek-eleknia anso mararop roha tu Tuhan. Ulang diambang hamu ra Tuhan paluahon hamu sanga mangambati tentara ni Asur laho mangarampas kotamunu.

2 RAJA-RAJA 18:32

lopus hupabungkas hamu tu sada luat na tudos tu luatmunu sandiri. Adong do disi kobun anggur na mangalehen anggur suha di hamu, adong do ladang ni gandum na mangalehen topung sipanganonmunu. Bahat do di luat i bona ni zetun, miak zetun dohot aer ni loba. Muda ra hamu mangihutkon na huparentahon tu hamu, mangolu ma hamu, nada mate. Ulang patangi-tangi hamu anggo si Hiskia. Hum na paoto-otohon hamu do i anso diambang hamu ro Tuhan laho paluahon hamu.

2 JUJUR TAON 7:10

jana ancogotna i, i ma di tanggal dua pulu tolu bulan pitu, disuru si Salomo ma halahi mulak. Marmoga-moga ma halahi hara ni sude na denggan na nibaen ni Tuhan tu bangsoNa Israel, tu si Daud dohot tu si Salomo.

JOB 29:2

“Sugari bolas ma nian ngolungku mangulahi songon na salpu; hatiha diondihon Debata au.

MASMUR 100:4

Masuk ma hamu mamolus horbanganNia mardongan ende tarimakasi, tu alamanNia lalu mamuji-muji. Mandok tarimakasi ma tuSia jana puji ma Ia!

MASMUR 102:10

Muruk jana rimas Ho, ale Tuhan, gabe diangkat Ho au jana disampakkon Ho.

MASMUR 115:2

Biasi angkon sai pola dokkonon ni angka bangso, “Di dia ma he Debata ni halahi?”

MASMUR 122:1

Jop do rohangku muda didokkon halak tu au, “Beta hita tu Bagas Ni Tuhan!”

MASMUR 122:8

Hara ni angka koum dohot ale-alengku, hudok, “Sai horas torkis ma ho!”

MASMUR 55:14

Na salpu i manghata-hatai do hita denggan-denggan, jana rap marsomba hita di Bagas Ni Debata.

MASMUR 62:8

O hamu bangsongku, sai tu Debata ma hamunu mararop roha, usehon ma isi ni rohamu tuSia, angke Ia do inganan parsiholipanta.

MASMUR 79:10

Ulang paloas bangso na asing manyapai salaho tu hami, “Di dia ma Debata ni halahi?” Patidahon ma tu hami pamalosonMu maradopkon angka bangso na mamatehon angka naposoMu.

MASMUR 80:6

Dibaen Ho di tanonami gabe boncir ni partangkangan ni angka bangso na hombar, jana dipartatai angka musu hami.

JESAYA 30:29

Tapi anggo hamu, marjop ni roha jana marendei ma hamu songon na masa di borngin ni pesta ugamo. Marmoga-moga ma hamu songon halak na ribur mardalan didongani sora ni suling laho manaek tu dolok ni Tuhan, na mangondihon Israel.

ANDUNG 2:19

Pupu hamu ma tarsunggul sasaborngin laho marsurak mangido ibo ni roha ni Tuhan i. Usehon na di rohamu taringot tu dakdanakmu na malean jana na marompasan di sude pangeldohan ni dalan.

ANDUNG 4:1

Sere na marlinang i ma pola mondap madung marserak di dalan i angka batu ni Bagas Ni Debata.

JEHESKIEL 46:10

Angkon rap masuk do parkuaso rap dohot rayat i tu Bagas Ni Tuhan i jana parmulakna pe angkon rap do.

JOEL 2:17

Angka malim na manghobasi di Bagas Ni Tuhan, di antara ni langgatan dohot emper parjolo an, tangis jana mangandungi di jolo ni langgatan jana didok ma, “Haholongi ma ale Tuhan, bangsoMon ulang padiar bangsoMon marlayas jana diparkanciti, jana gabe siincahan ni angka bangso na asing. Biasi sai didokkon halak di tonga-tonga ni angka bangso, ‘Di dia do Debata ni halahi?’ ”

NAHUM 1:15

Ligi da, ro do sada suruan mamolus sian angka dolok, maroban jamita na denggan, barita hamonangan. Ale bangso Juda, pestahon ma ari pestamu jana haulkon ma haulmu tu Debata. Nada rajaan ni parjahat be tanomu. Ma pola sude halahi diabiskon.

LUKAS 16:25

Tapi dialusi si Abraham ma, ‘Ingot ma amang: Dompak di ngolumu madung dijagit ho sude angka na denggan, hape anggo si Lasarus hum na jat do. Saonnari sonang ma ia dison, tapi anggo ho markancit ma.

PANGARATAION 16:11

Marjop ni roha ma hamu di adopan ni Tuhan, di inganan paribadatan na sada i, rap dohot angka dakdanakmunu, angka naposomunu dohot halak Levi, halak na asing, na so marama dohot angka na mabalu na tinggal di hutamunu.

RUT 1:21

Di na kehe au sian on tuk do di au, hape saonnari dioban Tuhan au mulak tuson martangan na rumar. Jadi, indangkon be sai dokkon hamu au si Naomi, dibaen madung diuhumi Tuhan Na Markuaso i au dohot bahat parkancitan!”