MASMUR 41:13 - BIBEL JAMITA NA DENGGAN

¹³ Puji ma Tuhan, Debata ni Israel! Puji ma Ia saonnari bope sapanjangna! Sai tulus ma songon i. Amen!

MASMUR 41:13 ပူးပေါင်းရင်းမြစ်များ

1 RAJA-RAJA 1:36

“Denggan ma i Rajanami,” ninna si Benaya mangalusi, “Sai diparsahalai Tuhan Debata ni raja i ma angka parenta ni raja i.

1 JUJUR TAON 16:36

Puji ma Tuhan, Debata ni Israel! Puji ma Ia saonnari ro di salolotna! Dung sidung diendehon si Asap dohot angka halak Levi i ende i, didok halak Israel ma sude, “Amen,” jana dipuji halahi ma Tuhan.

1 JUJUR TAON 29:10

Di jolo ni halak na bahat i, dipuji Raja Daud ma Tuhan. Ning ia ma, “O Tuhan, Debata na nisomba ni ompunami si Jakob, sipujion ma Ho salolot-lolotna!

MASMUR 106:48

Puji ma Tuhan, Debata ni Israel, saonnari dohot salolot-lolotna. Sude ma halak mandok, “Amen!” Puji ma Tuhan!

MASMUR 147:6

Diangkat Ia halak na hona sosak, tapi anggo parjahat ditombomkon Ia tu tano.

MASMUR 150:6

Denggan ma i, sude na marhosa mamuji Tuhan. Puji ma Tuhan!

MASMUR 89:52

Puji ma Tuhan ro di salolot-lolotna. Tulus ma songon i! Amen!

JEREMIA 28:6

“Denggan! Sai tulus ma nian alatanmi, jana sai saut ma dioban Tuhan sian Babel angka barang-barang ni Bagas Ni Tuhan rap dohot sude halak na tarbuang tusi.

BILANGAN 5:22

Masuk ma aek on tu butuhamu mambaen ho busungon jana hesut na niabitanmi.” Alusan ni dadaboru i ma, “Hujagit ma i; sai dibaen Tuhan i ma songon i.”

MATEUS 6:13

jana ulang pamasuk hami tu bagasan pandugaan, tapi palua ma hami sian pangago i.’ [Ho do Raja na markuaso jana na marsangap salolot-lolotna.]

1 KORINTUS 14:16

Harana muda mandok tarimakasi hamu tu Debata dohot tondimunu sajo, songon di ma he tarbaen halak na bahat i mandok, “Amen”, dung sidung ho mandok tarimakasi, anggo so diboto ia, sanga aha na nidokmi?

EPESUS 1:3

Pinuji ma Debata, Ama ni Tuhanta Jesus Kristus! Dipasupasu Ia do hita dohot sude ragam-ragam ni pasupasu partondion sian banua ginjang, hara ni na dung mardomu i hita dohot Kristus.

HALUMBAAN 11:17

Ninna halahi ma, “Debata Na Markuaso do Tuhan, mandok tarimakasi do hami tu Ho, ale Tuhan Debata Parkuaso Na Sumurung, na adong dohot na dung adong, dibaen madung dipake Ho kuasoMu na godang i, jana madung dipungka Ho pamarentaanMu.

HALUMBAAN 22:20

Didok na manyaksihon sudena on do, “Olo, tibu ma Au ro!” Amen! Ro ma Ho, ale Tuhan Jesus!

HALUMBAAN 4:8

Mahluk na opat i, onom be habongna jana sap sudena dohot mata. Nada mantak mahluk na opat i marende arian na borngin, “Na badia, na badia, na badia do Tuhan Debata Parkuaso Na Sumurung i; na adong, na dung adong, jana na giot ro!”

HALUMBAAN 7:12

Pio-pio ma halahi, “Amen! Puji-pujian dohot hasangapan, dohot habisuhon dohot hatarimakasion dohot hagogoon ma di Debatanta salolot ni lolotna! Amen!”