MASMUR 41:1 - BIBEL JAMITA NA DENGGAN

¹ Martua ma halak na mamparrohahon jolma na gale; urupan ni Tuhan do ia di hamamasa ni hasusaan.

MASMUR 41:1 ပူးပေါင်းရင်းမြစ်များ

MASMUR 112:9

Dilehen ia do sidoka tu halak na pogos, jana dibagihon ia sinadonganna sian burju ni rohana; sai marpupu do ia mambaen na denggan, hara ni i ma umbaen na markuaso ia jana dipasangap.

MASMUR 34:19

Halak na burju, manaon bahat na hancit, tapi dipalua Tuhan do ia sian i sudena.

MASMUR 37:19

Di hatiha na sompit, nada hasusaan halahi, di tingki na haleon laing tuk di halahi.

MASMUR 37:26

Matua na painjamkon ma i jana mangalehen, jana angka dakdanakna gabe pasupasu do i disia.

PODA 14:21

Sanga ise na palayas halak, mambaen dosa; sanga ise marroha na denggan tu halak na pogos, martua.

PODA 16:14

Halak na marroha diparayak do pasonang roha ni raja; muda muruk raja, ra do adong na mate hona uhumna.

PODA 19:17

Mangurupi halak na pogos tudos do na pasalihon tu Tuhan; laing Tuhan muse ma na paulakkon.

PARJAMITA 12:1

Ingot ma Na Manompa ho taran di haposoonmu, painte so dapot angka taon na gok hasusaan. Anggo di hatiha i dokkononmu ma, “Nada martua ngolungku.”

JEREMIA 39:17

Tapi Au Tuhan, ondihononKu do ho. Nada pasahaton ho tu angka jolma na nihabiaran ni rohamu.

MARKUS 14:7

Anggo halak na pogos tongtong do adong di tonga-tongamunu. Sanga sadihari anggo na ra do hamu, tarurupi hamu do halahi. Tapi anggo Au nada tongtong di lambungmunu.

BAENON NI ANGKA RASUL 20:35

Sanga taringot tu pasal bagi aha pe, madung hupatidahon di hamu tiruan na patuduhon angkon urupanta do halak na so margogo markite-hite na marsitutu karejo. Angke angkon ingotonta do, na nidok ni hata ni Tuhan i, ‘Martuaan do halak na mangalehen sian na manjagit.’ ”

GALATIA 2:10

Hum on sajo ma i pangidoan ni halahi: Anso hami parrohahon halak na pogos. Jana pangalaho na songon i muse ma jop ni rohangku.

1 TESSALONIKA 5:14

Laing hami pangido dope, hamu ale angka dongan, anso gorahon hamu angka halak na so maraturan. Apoi hamu ma angka na menek roha; urupi hamu ma angka na gale jana sobar ma hamu maradopkon halak sudena.

IBRANI 6:10

Nada Debata na so tigor. Nada halupahononNia sanga aha na denggan na nibaenmunu tuSia. Sai na ingotonNia do holong ni roha na nipatuduhonmunu tuSia di bagasan pangurupionmunu na nipasahatmunu maradopkon angka dongan Kristen na asing i. Jana lopus saonnari pe laing dilehen hamu do pangurupion i.

JAKOBUS 2:13

Angke sanga ise halak na so maribo ni roha tu halak na asing, sidabuon do uhuman tusi so pola mardongan ibo ni roha. Tapi gumogo dope ibo ni roha ulang uhuman!

HALUMBAAN 3:10

Hara ni na dung nioloanmunu parentangKu anso sobar hamu, Au pe jagohononKu ma hamu anso laing horas torkis hamu mamolus hasusaan na giot masa tu sude portibi on. I ma na giot tarjadi laho manguji sasude jolma na satano on.

RUT 2:19

Jadi didok si Naomi ma tusia, “Di dia dehe dapot ho sudena on? Di ladang nise ho markarejo sadari on? Sai dipasupasu Debata ma da halak na marroha na denggan i tu ho!” Gabe dipaboa si Rut ma tu si Naomi bahaso ladang inganannia mamuai burir-burir i nampuna ni sada bayo na margoar si Boas.