MASMUR 4:8 - BIBEL JAMITA NA DENGGAN

⁸ Gabe modom ma au di bagasan sonang angke hum Ho do da Tuhan na bisa manjago au.

MASMUR 4:8 ပူးပေါင်းရင်းမြစ်များ

MASMUR 16:11

Dipatidahon Ho do tu au dalan hangoluan; rap dohot Ho mambaen au gok hamogaan dipapuas Ho rohangku salolot ni lolotna.

MASMUR 3:5

Hupapayak jana modom au sonang, diramoti Ho do au borngin mamanjang.

PODA 3:24

Jadi nada marbiar ni roha be ho modom, jana sinok ma ho modom sasaborngin.

JESAYA 9:2

Bangso na mangolu di bagasan hagolapan, madung marnida sinondang na godang. Na maringanan di bagasan halinu ni hamatean madung disondangi hatiuran ni sinondang.

JEHESKIEL 34:25

BaenonKu ma parjanjian dohot halahi na manjamin aman halahi. PaorotonKu ma sude binatang panyoro sian luat i sude, lopus aman angka biri-biringKi tinggal di padang-padang i dohot modom di harangan-harangan i.

HOSEA 2:18

BaenonKu noma di hatiha i parjanjian dohot ho, dohot sude angka binatang di padang, dohot angka unggas di awang-awang dohot angka binatang na adong di tano on.

HAMALIMON 26:5

Suha ni tanomunu gabe marlipat ganda, pola tehe dung dapot hatihana mambuat batu ni anggur, laing manyabi dope hamu. Jana dung dapot hatiha manyabur same ni gandum, laing mambuat batu ni anggur dope hamu. Gabe tuk ma panganonmunu jana sonang ngolumunu di luatmunu.

PANGARATAION 12:10

Dung ditaripari hamu Batang aek Jordan, urupan ni Tuhan ma hamu mambuat dohot mangingani tano na di bariba ni batang aek i. OndihononNia do hamu sian sasude musumunu, jana di bagasan sonang ma hamu mangolu.

1 TESSALONIKA 5:10

Hara ni hita do umbaen na mate Jesus, anso tarbaen mangolu hita rap dohot Ia muda ro Ia muse – sanga na laing mangolu hita disi sanga pe na dung mate.

HALUMBAAN 14:13

Dung i hubege ma sada sora sian banua ginjang mandok, “Suratkon ma on: Martua do sanga ise halak na mate di bagasan Tuhan mamungka sian hatiha on!” “Na tutu ma i!” ning Tondi i. “Maradian ma halahi sian karejo na dokdok jana daion ni halahi ma suha ni pangoloion ni halahi na sai tongtong mangihut di halahi.”