MASMUR 4:5 - BIBEL JAMITA NA DENGGAN

⁵ Pasahat ma haul na sapatutna, jana haporsayai ma Tuhan.

MASMUR 4:5 ပူးပေါင်းရင်းမြစ်များ

2 SAMUEL 15:12

Jadi dompak na manghaulkon haul si Absalom, laing disuru ia muse ma utusan tu kota Gilo laho marpio si Ahitofel, i ma sada sian panuturi ni Raja Daud. Jadi songon i ma antong mur margogo parkumpulan laho mangalo raja i jana mur mabahat ma angka na mangihut tu si Absalom.

MASMUR 2:12

Ulang jabat Tuhan gabe muruk, jana manigor hona pusa hamu, harana manigor mura do ro murukNa. Martua ma halak na marlinggom di Tuhan i!

MASMUR 26:1

Lehen ma hatigoran tu au ale Tuhan, angke madung hupatupa na denggan. Tu Ho do au mararop roha, saotik pe nada au marganggu ni roha.

MASMUR 37:3

Haporsayai ma Tuhan jana baen ma na denggan, anso sonang ho di tano i maringanan.

MASMUR 50:14

Haul haluaan ma haulkon tu Au, Debata Na Gumincat patulus ma janjimu tu Au.

MASMUR 51:19

Gabe jop ma rohaMu manjagit haul na patut, haul situtungon na hami haulkon di Ho; dihaulkon ma lombu jantan di ginjang ni langgatanMu.

MASMUR 62:8

O hamu bangsongku, sai tu Debata ma hamunu mararop roha, usehon ma isi ni rohamu tuSia, angke Ia do inganan parsiholipanta.

MASMUR 77:7

“Salolotna noma he ulaning tulakkonon ni Tuhan hami? Na so sonang be he ulaning rohaNia mida hami?

JESAYA 50:10

Ale hamu na pasangap Tuhan Debata, jana na mangoloi hata ni naposoNia, betak na golap do dalan na nibolusmunu, tapi laing porsaya ma tu Tuhan, Ia ma pangasahon hamu!

JESAYA 61:8

Angke Tuhan do Au, “Huhaholongi do hatigoran jana magigi do Au mida na kejam dohot hajahatan. TumbasonKu bangso on marhite hadengganan, Hupudun janji na hot dohot halahi.

MALEAKI 1:8

Muda dihaulkon hamu tu Au binatang na mapitung sanga na marnyae, sanga na onyangon, adong he nada sala dietong hamu pangalaho na songon i? Cubo hamu jolo mangalehen binatang na songon i tu pamimpin! Pasti do nada sonang rohania manjagitsa jana nada denggan muse be baenonnia tu hamu, ninna Tuhan Na Markuaso.”

MATEUS 5:23

Hara ni i, muda kehe ho di sada hatiha marsomba laho pasahatkon haulmu tu Debata, hape taringot ho tu sada donganmu na marhancit ni roha tu ho;

PANGARATAION 33:19

Diontang halak sileban tu dolok ni halahi haul na asli dihaulkon disi. Sian laut halahi dapotan arta sian horsik sapanjang ni pantaina.”

1 PETRUS 4:19

Hara ni i, muda adong sanga ise halak na manaon parkancitan hara ni hagiot ni Debata, angkon laing tigor ma ngolu ni halak na songon i jana dipasahat halahi ma diri ni halahi tu Sipanompa i. Sai patulusonNa do na nijanjihonNia.