4 Padiar ma muruk hamu, tapi ulang be mardosa. Haru pe muruk ho simpan ma i di bagasan rohamu sajo jana pahusor-husor ma i di na payak ho modom di na buni borngin ni ari.
Didok Debata ma tu jolma, “Angkon pasangopanmunu do Debata anso maruli bisuk hamu. Angkon mandao do hamu sian hajahatan anso dapotan parbinotoan hamu.”
Au ma da Tuhan; biasi nada mabiar hamu tu Au? Sapatutna angkon humitir do hamu nian maradopkon Au! Au do da mambaen pante gabe batas ni laut na so hasalpuansa salolot-lolotna. Tarbaen laut i do marombak jana tarbaen galumbang i do mangamuk, tapi nada tarsalpuisa batas i.
Uji hamu ma dirimunu sanga na togu do haporsayaanmunu! Tangkasi hamu ma dirimunu sanga na so porsaya hamu di dirimunu paboa na tutu do Jesus Kristus maringanan di bagasan hamu! Harana muda nada songon i nada tahan hamu niuji.