MASMUR 4:3 - BIBEL JAMITA NA DENGGAN

³ Boto hamu ma, na dung ditodo Tuhan halak na nihaholonganNia, ditangihon Tuhan do muda pio-pio au tuSia.

MASMUR 4:3 ပူးပေါင်းရင်းမြစ်များ

MASMUR 31:23

Haholongi ma Tuhan, o hamu sude bangsoNia, dijagohon Tuhan do sanga ise na setia. Tapi siginjang roha diuhumi Ia, hombar tu pambaenanna.

MASMUR 34:15

Diparrohahon Tuhan do halak na daulat, muda pio-pio halahi, ditangihon Ia.

MASMUR 49:3

Ruar ma sian pamanganku angka hata habisuhon, bagas do arti ni na tubu sian pikiranku.

MASMUR 50:5

Diparentahon Ia do tu halahi laho palagutkon bangsoNia di joloNia; bangso na dung mangikat janji dohot Ia, jana na manghaulkon haul situtungon tuSia.

MASMUR 56:9

Di ari na pio-pio au tu Ho, ale Debata, sumurut ma musungku hona ayak, angke pos do rohangku tu au do Ho marpihak.

MASMUR 6:8

O, angka na jahat, morot ma hamu madung ditangihon Tuhan tangisku.

MASMUR 62:10

Ulang arop rohamu di angka barang na nirampas, jana ulang marpangunsandean tu angka na nirampas. Muda pe martamba hakayoanmu, ulang lohot tusi rohamu.

HARURUAR 33:16

Sian dia ma antong parbinotona bahaso na lomo rohaMu di bangsoMon dohot tu au anggo na so dongananMu hami? Nada he hara ni na rap do Ho dohot hami umbaen na markoti bangsoMi sian angka bangso na asing di tano on?”

JOHANNES 15:16

Nada hamu mamili Au. Au do na mamili hamu jana Husuru hamu kehe anso ramos hamu marbatu – i ma parbatu na denggan. Dung i lehenon ni Damang ma di hamu sanga aha pe na nipangidomunu markite-hite goarKu.

EPESUS 2:10

Na nitompa ni Debata do hita on, jana markite-hite Jesus Kristus dipauli Debata hita anso tabaen angka pangalaho na denggan na nipasingkopNia humani di hita.

2 TIMOTEUS 2:19

Hape anggo ojahan na nibaen ni Debata, ojahan na togu situtu do i jana na so tarhutur. Di ginjangna i tarsurat do, “Ditanda Tuhan do angka nampunaNia,” bope “Sanga ise na mandok nampuna ni Tuhan ia, angkon mantak ma halakna i mambaen dosa”.

TITUS 2:14

Madung dihaulkon Ia diriNia hara ni hita laho paluahon hita sian hajahatan sudena, jana dibaen Ia hita gabe bangso hapunjunganNia, jana na ringgas mambaen na denggan.

1 PETRUS 2:9

Tapi anggo hamu, bangso na Hupili do hamu, angka harajaan hamalimon, bangso na badia, bangso hapunjungan ni Debata. Ia do na mamiohon hamu haruar sian hagolapan anso masuk tu bagasan sinondangNia na tumorang i, anso pararatonmunu barita taringot tu angka pambaenanNia na godang i.

2 PETRUS 2:9

Jadi anggo taringot tu angka halak na mangihutkon hagiot ni Tuhan, diboto Tuhan do sanga na bia dalanna baenonNia laho paluahon halahi sian angka ujian na masa tu halahi. Jana taringot tu angka jolma na jahat pe, diboto Tuhan do manabunihon halahi anso hona siksa di Ari Paruhuman,