MASMUR 39:9 - BIBEL JAMITA NA DENGGAN

⁹ Hohom noma au, nada be dokkononku bagi aha, angke Ho na mambahen sitaononki.

MASMUR 39:9 ပူးပေါင်းရင်းမြစ်များ

2 SAMUEL 16:10

Tapi didok raja i ma tu si Abisai dohot si Joab angkangna i, “Ulang antoi hamu. Padiar hamu sajo ma ia mamurai au. Harana betak na Tuhan do na marsuru ia ise ma na patut manyapai ia sanga na hara ni aha dibaen ia songon i?”

JOB 1:21

“Nada adong bagi na ahangku di na nitubuhon au, jana mate pe au nada mardiha-diha. Madung dilehen Tuhan i sudena jana Ia muse do na mambuatsa. Nipuji ma goar ni Tuhan i!”

JOB 2:10

Dialusi si Job ma, “Songon halak na bodo do pangkulingmu! Bia do parjadi ni i hum na denggan sajo jagitonta sian Debata, hape muda na jat tulahonta?” Jadi, haru pe dibolus si Job sude sitaonon i, nada adong didok ia hata na mangalo Debata.

MASMUR 38:13

Hape songon na maingol do au na so marbinege, songon halak na ngungu na so malo mangecet.

DANIEL 4:35

Nada adong astuan ni bangso na di portibi on. Dirajai Debata do surusuruan na di banua ginjang dohot jolma na di tano on. Sahalak pe nada adong tarbaen mangalo hagiotNia, nada adong na puluk manyapai sanga aha na nibaenNia.

HAMALIMON 10:3

Didok si Musa ma tu si Harun, “On ma pikiran ni Tuhan i di na nidokNia, ‘Sude halak na giot mangoloi Au angkon pasangaponna do Au angke sasada Au do Debata. Giot patuduhononKu hamuliaonKu tu bangsongKu.’ ” Tapi hohom do si Harun.

1 SAMUEL 3:18

Jadi dicaritohon si Samuel ma sudena tu si Eli. Sada pe nada adong na nirahasiahonnia. Dung i didok si Eli ma, “Tuhan do Ia, padiar ma dipatulus Ia sanga na aha giot ni rohaNia.”