MASMUR 39:12 - BIBEL JAMITA NA DENGGAN

¹² Tangihon ma ale Tuhan, tangiang pangidoanku; parrohahon ma ilu-ilungku, ulang ma hohom Ho tu au. Laing songon angka daompung na umpompar au, hum sangombas sajo do manompang tu Ho au.

MASMUR 39:12 ပူးပေါင်းရင်းမြစ်များ

PAMUNGKAAN 21:34

Dung i laing diingani si Abraham dope sanga na sadia honok nari di tano ni halak Pilistin i.

PAMUNGKAAN 47:9

Dialusi si Jakob ma, “Saratus tolu pulu taon ma au na mangolu i songon pardalan-dalan. Gok hasusaan do angka taon na hubolus i, tapi i santongkin dope i martimbangkon angka taon na nidalanan ni na umpompar au.”

2 SAMUEL 16:12

Betak na parrohahonon ni Tuhan do pardangolankon jana pasupasuonNia au gonti ni bura i.”

2 RAJA-RAJA 20:5

mangulahi mandapotkon si Hiskia raja ni bangso ni Tuhan jana dipalalu ia ma tona on, “Au do Tuhan na nisomba ni ompumu si Daud, madung Hubege tangiangmi jana Huida do ilu ni matami. Hupamalum pe ho; ancogot haduan kehe ma ho tu Bagas Ni Debata.

1 JUJUR TAON 29:15

Diboto Ho do ale Tuhan, laing songon angka ompunami do, hami pe laing songon halak na ro do jana paisolat. Songon halinu na mamolus do ngolunami, jana nada tarbaen malua hami sian hamatean.

JOB 13:28

Gabe pora do au songon hayu na busuk; songon abit na nipangan ni ngitngit gabe lapuk.

JOB 16:20

Diincahi jana dipartatai angka dongan iba; lalu tangis ma au mangido tolong tu Debata.

MASMUR 102:1

Ale Tuhan, tangihon ma tangiangku, parrohahon ma pangidoanku.

MASMUR 116:3

Dirongomi parmaraan godang au, humasusa jana mabiar au pambaen ni jorbut ni hamatean.

MASMUR 119:19

Halak na asing do au di portibi, ulang bunihon parentaMu sian au.

MASMUR 119:54

Salolot di ngolungku na pendek on, di tano on logu pujian do hubaen hatontuanMu.

MASMUR 56:8

Diboto Ho do godang ni sitaononku, torang do di rohaMu ilu-ilungku. Nada he tarsurat do sudena i di bukuMu?

MASMUR 90:9

Ma pendek ngolunami hara ni rimasMu, songon sangombus hosa do ari-arinami i maradu salpu.

HAMALIMON 25:23

Nada tola gadisonmu tanomu lalu manalduskon hakmu sian i, angke nada ho nampuna tano i. Tuhan Debatamu do nampunasa. Songon sada halak na dung dapotan isin do hamu mangkarejohon tano i.

2 KORINTUS 5:6

Gabe pos do tongtong rohanami hara ni i. Hami boto do, salolot di bagasan pamatangta on hita tinggal, laing di duru ni bagas ni Tuhan dope hita.

IBRANI 11:13

Di bagasan haporsayaan i, madung mate halahi sude. Nada dijagit halahi dopena janji i, tapi di tatap halahi do i sian na dao. Jadi pos jana jop do roha ni halahi marnidasa, jana dioku halahi do, bahaso pangaranto dohot paisolat do halahi di tano on.

IBRANI 5:7

Hatiha di ngolu ni Jesus di tano on, mangangguk godang do Ia tangis martangiang dohot pasahatkon angka pangidoanNia tu Debata, na margogo paluahon Ia sian hamatean. Boti hara ni na mangoloi Ia tu Debata mardongan sangap na gok, gabe ditangihon Debata do pangidoanNia i.

1 PETRUS 1:17

Didok hamu Amang tu Debata dompak martangiang hamu. Antong, Debata i do na mandabuhon uhuman tu jolma marguru tu pambaenanna be so pola mangaligi bohi. Hara ni i, salolot di tano on hamu, pagodang hamu ma Debata di ngolumunu.

1 PETRUS 2:11

Hamu angka dongan na nihaholongan! Halak na asing do hamu jana pangaranto di tano on. Hara ni i gomos hupangido tu hamu anso ulang ihutkon hamu hagiot ni jolma na sai marporang mangalo tondi.