MASMUR 39:1 - BIBEL JAMITA NA DENGGAN

¹ Ning rohangku, “Manat-manat noma au di sibaenonku, jana nada be ra au mardosa di angka pandohanku. Nada ra au manghobari salolot donok halak parjahat i.”

MASMUR 39:1 ပူးပေါင်းရင်းမြစ်များ

1 RAJA-RAJA 2:4

Muda dioloi ho Tuhan i, patulusonNia do janjiNia, i ma pomparanku gabe mamarenta di Israel, asal ma sude halahi sian sandok roha dohot ngolu ni halahi sai tongtong burju patulus angka parentaNia.”

1 JUJUR TAON 16:41

Disi muse do si Heman dohot si Jedutun bope angka na deba nari mangurupi Malim Zadok dohot angka malim na deba nari laho mangendehon: “Puji-pujian ma di Tuhan, hara ni holong ni rohaNa na so mantak i.”

JOB 2:10

Dialusi si Job ma, “Songon halak na bodo do pangkulingmu! Bia do parjadi ni i hum na denggan sajo jagitonta sian Debata, hape muda na jat tulahonta?” Jadi, haru pe dibolus si Job sude sitaonon i, nada adong didok ia hata na mangalo Debata.

MASMUR 119:9

Tarjagohon na poso do dirina sian hahodaron, muda diihutkon parentaMu di ngoluna, ale Tuhan.

MASMUR 12:4

Didok halahi do, “Markuaso do hami marhite dilanami; tarbaen hami mangkatai sagiotnami, jana nada adong tarbaen na mangambati!”

MASMUR 141:3

Ale Tuhan, jagohon ma pamanganku, jana matai ma bibirku.

MASMUR 34:13

Ulang pardokkoni angka hata na jat, jana ulang hagioti angka gabus.

MASMUR 62:1

Hupainte Debata, di bagasan sada ni rohangku, hum sian Ia sajo do haluaanku.

MASMUR 77:1

Gogo do sorangku pio-pio tu Debata, hupagogo sorangku pio-pio, jana ditangihon Ia do au.

PODA 18:21

Mangolu sanga mate dirajai dila, barang ise na ra maningtingkonsa, angkon mangankon parbatuna.

PODA 21:23

Laho pasiding hasusaan, patut do jamot di pandohanna.

AMOS 5:13

Hara ni i halak na marpikir, sip do ia di hatiha i, harana hatiha na jahat do hatiha i.

KOLOSSE 4:5

Di angka pardomuanmunu tu angka halak na so porsaya malo ma hamu na mangolu i jana ganop adong hatiha na tumbuk, pake hamu ma i sadenggan-dengganna.

IBRANI 2:1

Hara ni i ma umbaen na porlu hita mur manat tu angka na hita bege, anso ulang mayup hita.

JAKOBUS 1:26

Muda adong sanga ise na mangkilala dirina halak na burju marugamo, hape nada dijagohon ia dilania, na paoto-otohon dirinia do ia disi; nada adong guna ni ibadatnia i.