MASMUR 38:4 - BIBEL JAMITA NA DENGGAN

⁴ Mogap-ogap do au di bagasan pangalantap ni hasalaanku, maborattu boban ni dosangku tanggungonku.

MASMUR 38:4 ပူးပေါင်းရင်းမြစ်များ

ESRA 9:6

Hudok ma, “O, ale Debatangku, maila do au mangangkat tanganku di adopanMu. Martimpa-timpa do dosanami di ginjang ni ulunami lalu dais tu langit.

JOB 33:19

Dipangkulingi Debata do halak marhite na parohon nyae lopus sap sude pamatangna i hansit mangae.

MASMUR 107:17

Adong ma i na marhancit hara ni angka dosana, jana hona siksa hara ni angka hasalaanna.

MASMUR 40:12

Dirongomi parmaraan na jorbut do au na so taretong bilanganna. Diayak-ayak angka dosangki do au nada tarbaen au be mangaligi. Bilanganna lobi sabahat ni obuk na di ulungku, na mambaen manderse rohangku.

JESAYA 53:11

Dung abis hasusaannia idaonnia ma na torang jana puas ma pangkilalaanna. Tigor do parrohaon ni naposongKi, jana bahat do halak gabe tigor hara ni ia, ampe tusia do uhuman na tu halahi.

ANDUNG 1:14

Dibuat Ia sude dosangku jana dibobok Ia gabe sada, dipaborgokkon Ia muse i di rungkungku, dibaen dokdokna jabat gale au. Dipasahat Tuhan do au tu musu; laho mangalo halahi nada margogo au.

HAMALIMON 7:18

Tapi anggo laing dipangan muse dope lobina i, nada dijagit Debata haulna i. Nada gabe pasupasu haul i di halakna i, tapi na haram do i etongon. Sanga ise mangankon haul na haram, angkon manaon hara ni hasalaanna sandiri.

MATEUS 11:28

“Ro ma hamu tu Au, sude hamu na loja jana na sorat bobanna, Hupasonang pe hamu!

1 PETRUS 2:24

Kristus sandiri do mamorsan angka dosanta i di pamatangNia sandiri di ginjang ni hayu parsilang i, anso tola hita malua sian kuaso ni dosa jana tola hita mangihutkon hagiot ni Debata. Angke bugang ni Kristus i do na paluahon hamu.