MASMUR 38:2 - BIBEL JAMITA NA DENGGAN

² Pantom do panaMu mambugangi pamatangku, dokdok hilalaon pandondoni ni tanganMu.

MASMUR 38:2 ပူးပေါင်းရင်းမြစ်များ

JOB 6:4

Hona tombus ni anak ni pana do pamatangku dibaen Pargogo Na Sumurung i. Manyarira rasunna i tu sude pamatang i. Na sun jebu ni Debata tarlobi sogen sihabiaran, jana manjombai iba songon dia ma parro ni musu marparangan.

MASMUR 21:12

Giot tembakkononNia anak ni panaNia i, gabe marputar halahi lalu marlojongi.

MASMUR 32:4

Diuhumi Ho do au ale Tuhan, arian na borngin, merus gogongku songon aek na maruas dibaen las ni ari.

MASMUR 6:2

Ibo ma rohaMu mida au, angke abis ma gogongku da Tuhan, pargogoi ma au, angke madung gale-gale au.

MASMUR 64:7

Hape ditembakkon Debata do panaNia tu halahi, jana manigor mabugang ma halahi.

ANDUNG 3:12

Disintak Ia siorNia, jana dibaen Ia ma au papanganan ni anak ni pana.

PANGARATAION 2:15

Sai torus do dialo Tuhan halahi, lopus tu ujungna hona pusa halahi.

RUT 1:13

patut ma he na tarbaen hamu marbagas dohot halak na asing patunda ni na angkon painte-intehon lopus magodang halahi? Nada songon i da maen, nada adong songon i! Madung muruk Tuhan tu au jana ibo do rohangku mida hamu.”

1 SAMUEL 5:11

Jadi gabe dipiohon halahi ma sude raja ni Pilistin anso marlagut, didok halahi ma, “Paulak hamu ma da Poti Parjanjian ni Israel i tu ingananna humani anso ulang hona bunu hita dohot sisolkotta.” Masa ma hagunturon godang di kota i sude, angke hona uhum na borat situtu do halahi dibaen Debata.

1 SAMUEL 5:6

Dibaen Tuhan i ma uhum na borat tu halak Asdod jana dibaen ma halahi maoto. Diuhumi ma halahi sude dohot halak na adong di na humaliang huta i, marhite na parohon baro tu pamatang ni halahi.

1 SAMUEL 6:9

Parrohahon hamu ma pardalanna i; muda mardalan adop luatna i sandiri do, i ma tu kota Bet-Semes, i ma tandana bahaso Debata ni halak Israel i do na parohon hamamago na jorbut i tu hita. Tapi muda nada kehe tusi, botoonta ma na so sian Debata ni Israel haroroan ni hasusaan i, tapi na ro songon i sajo do i.”