MASMUR 38:12 - BIBEL JAMITA NA DENGGAN

¹² Halak na sai giot mamunu au, manaon jorat; sasadari hum na mambaen tahi na jahat, laho mangago au mardongan tipu akalna.

MASMUR 38:12 ပူးပေါင်းရင်းမြစ်များ

JOB 19:13

Dipadao Ia sian au angka koum sisolkotku; gabe halak na asing noma au di angka sitandaanku.

MASMUR 119:110

Mambaen jorgong do halak parjahat tu au, tapi nada manyimbil au sian haputusanMu.

MASMUR 140:5

Manaon jorat do halak siginjang roha tu au jana pagistang jaring laho maninggangkon au. Sapanjang dalan, ditaon halahi tirangkap laho padapotkon au.

MASMUR 141:9

Ondingi ma au sian jorat na nitaon ni halahi tu au, sian tirangkap ni angka parjahat i.

MASMUR 31:12

Songon rompak do iba dietong, jana dihalupahon songon jolma na dung nitanom.

MASMUR 35:20

Nada pade pangkataion ni halahi; halak na mangkaholongi dame pe ditilakoi.

MASMUR 35:4

Ho ma padiarkon talu dohot pailahon sanga ise halak na giot mamunu au. Padiar ma kehe boti so martontu halak na martahi mangalo au.

MASMUR 41:5

Dipardokkoni musungku do na jahat taringot tu au, giot ni halahi mate ma nian au jana dihalupahon.

MASMUR 54:3

Angke jongjong do siginjang roha mangaroro au, halak na gakgak sai giot mamunu au, nada parduli halahi di Debata.

MASMUR 69:9

Holong ni roha tu BagasMu pagurgurkon rohangku, incak ni halak na palayas goarMu mandondoni au.

MASMUR 88:9

Rambon matangku hara ni na marsitaonon ganop ari au pio-pio tu Ho, ale Tuhan jana martangiang pahirtang tangan.

PODA 19:7

Halak na pogos menek do di kahanggina, tarlobi-lobi dope di dongan-donganna. Sanga na bia pe dibaen ia, nada tarbuat ia rohana.