MASMUR 37:9 - BIBEL JAMITA NA DENGGAN

⁹ Angke agohonon do sanga ise na mambaen jahat, tapi anggo na mararop roha tu Tuhan, i do nampuna tano teanan.

MASMUR 37:9 ပူးပေါင်းရင်းမြစ်များ

MASMUR 25:13

Sai na mardame do ngoluna, tano pusako teanon ni anak maradu pahompuna.

MASMUR 37:29

Halak na daulat do nampuna tano teanan, jana manginganisa sapanjangna.

MASMUR 55:23

Tapi anggo Ho ale Debata, sampakkononMu ma halahi tu bagasan lubang na umbagas. Angka panghianat dohot na manduruskon mudar, nada lalu bolusonna satonga ni umurna. Hape anggo au, tu Ho do au porsaya.

PODA 2:21

Angke, halak na jujur do na mangingani tano, jana halak na bulus marroha do na angkon tongtong tinggal disi.

JESAYA 57:13

Muda marsurak ho, padiar ma gana-ganaanmi paluahon ho! Ombuson ni alogo ma halahi sude, angkon dihabangkon pangombus ni hosa. Tapi halak na marondingan tu Au angkon dapotan pusako di luat i jana punania ma dolokKu na badia i.

JESAYA 58:14

jadi gabe marjop ni roha ma hamu hara ni Tuhan i. BaenonKu ma hamu marsangap di tano on sudena, jana sonang ma hamu mangolu baenonKu di tano na Hulehen tu ompumunu si Jakob. Au Tuhan, madung mandok songon i.”

JESAYA 60:21

Tigor noma angka na mangingani ho di tindakanna, jana halahi nampuna luat i salolot-lolotna. Songon hayu cangkokan na Husuan sandiri do halahi, anso torang tarida hagodanganKu.

MALEAKI 4:1

Didok Tuhan Na Markuaso i ma, “Dapot do i arina, sude halak siginjang roha dohot na jahat surbuon ma i songon durame. Di ari i, abis ma halahi surbuon, jana nada adong be na tinggal sian halahi.

BILANGAN 26:65

Madung didok Tuhan i hian do tu halahi bahaso angkon marujung di halongonan do ngolu ni halahi. Jana tutu do sude halahi mate, asing ni si Kaleb anak ni si Jefunne dohot si Josua anak ni si Nun.

PANGARATAION 5:33

Oloi hamu ma i sudena, anso sonang hamu jana tarbaen tongtong mangingani tano na giot siingananmunu i.”

IBRANI 11:16

Hape anggo saonnari, luat na dumenggan do na nijalahan ni halahi, i ma banua ginjang. Hara ni i ma umbaen na so pola ila roha ni Debata nigoaran Ia Debata ni halahi, angke madung dipasingkop Debata sada kota di halahi.

JOSUA 14:9

Jadi hara ni i, dijanjihon si Musa ma, anggo tano na hubolusi i pasti do giot lehenon di angka dakdanakku dohot di au sandiri, gabe hami puna.

HALUMBAAN 5:10

Madung dibaen Ho halahi gabe sada bangso pinompar ni raja, anso laing gabe malim muse ma halahi na mangoloi Debatanta, jana mamarenta di ginjang ni tano on.”