MASMUR 37:6 - BIBEL JAMITA NA DENGGAN

⁶ PatangkasonNia ma haburjuonmu songon na tiur, marsinondang ma hadenggananmu songon mataniari.

MASMUR 37:6 ပူးပေါင်းရင်းမြစ်များ

JOB 11:17

Tumorang ma ngolumu sian tingki ni arian, jana na gumolap di ari ni ngolumu gabe songon mataniari bincar marsinondang.

MASMUR 31:20

Ditabunihon Ho do halahi di linggomanMu, maradopkon tipu akal ni parjahat. Dilinggomi Ho do halahi di inganan na sonang, maradopkon incak ni musuna.

JESAYA 54:17

Tapi anggo sinjata na dipaadop tu ho, nada margogo i mamugangi ho. Jana tu sude tuduan, hata ro do di ho hata alusan. Huampini angka naposongKi anso sai monang.” Songon i ma pandok ni Tuhan.

JESAYA 58:10

Usehon ma rohamu tu halak na malean, jana pasombu ma roha ni halak na targogot. Muda dibaen hamu songon i gabe bincar ma sinondangmunu di bagasan hagolapan jana hagolapanmunu gabe songon torang ni ari.

JESAYA 58:8

Jadi marsinondang ma hatiuranmu songon mataniari bincar, jana angka gasamunu pe manigor malum ma. Hasintongan ma mardalan di jolomunu jana hasangapan ni Tuhan mangihut di pudimunu baen haluaanmunu.

JEREMIA 51:10

Didok bangso ni Tuhan i ma, “Madung dipatuduhon Tuhan bahaso di pihak na tutu do hita. Beta ma hita tu Jerusalem jana tapaboa ma disi sandok na nibaen ni Tuhan Debatanta i.”

MALEAKI 3:18

Mangulahi ma idaon ni bangsongKu na asing do bagian ni halak na burju sian na jahat, bagian ni halak na marpangoloion tu Au dohot halak na so mangoloi tu Au.”

MATEUS 13:43

Tapi anggo halak na patuluskon na nipangido ni roha ni Debata, marsinondang ma halahi songon mataniari di bagasan Harajaan Ni Ama ni halahi. Sanga ise na marpinggol ditangihon ia ma!”

1 KORINTUS 4:5

Antong, anggo so dapot dope hatihana, ulang ma matibutu tontuhon hamu marsala sada-sada halak sanga nada. Painte hamu ma lopus tu haroro ni Tuhan i. BukaonNia do sude angka rahasia na buni di na golap. RungkaranNia ma sudena rahasia na buni na di bagasan roha ni jolma. Di hatiha i pe anso jagiton ni halak ganop pujian na patut jagitonna sian Debata.